"Qapıları bağlayın, işıqları söndürün" - Fransadakı mağazalara xəbərdarlıq

Fransanın Ekologiya naziri Agnes Pannier-Runache, Fransadakı mağazalara kondisionerdən istifadə edərkən qapılarını bağlamaq və enerji israfını azaltmaq üçün neon işıqlandırmanı məhdudlaşdırmaq qaydası tətbiq edəcəklərini deyib.
Sonxeber.az xəbər verir ki, Runace "Journal du Dimanche" qəzetinə açıqlamasında artıq bəzi bölgələrdə qüvvədə olan bu qaydalar bütün Fransada tətbiq olunacağını bildirib.

Rusiyanın Ukraynaya hücumundan sonra Avropada enerji xərcləri kəskin şəkildə artıb.

Kondisioner qaydasını pozan mağazalar 750 avroya qədər cərimələnəcək.

Pannier-Runacher yerli RMC radiostansiyasına deyib ki, kondisioner açıq halda qapıları açıq qoymaq cəfəngiyyatdır.

O, "Journal du Dimanche" qəzetinə deyib ki, yaxın günlərdə enerji israfı ilə bağlı iki fərman verəcək.

Şəhərin böyüklüyündən asılı olmayaraq, işıqlı reklamlara qoyulan qadağa saat 01:00-dan 06:00-a qədər uzadılacaq. Kondisioner və istilik sistemi işləyərkən mağazaların qapılarını açmasını qadağan edəcək",- nazir əlavə edib.

800.000-dən az əhalisi olan ərazilərdə neon lövhə qadağası artıq qüvvədədir. Hava limanları və stansiyalar qaydadan azaddır.

Fransa həddindən artıq istilər yaşamağa davam edir və kondisionerə tələbat artır.
Şəbnəm Lətifi

Telegramda izləyin