Heyvana belə işgəncə verən şəxslər CƏZALANDIRILDI:DƏHŞƏTLİ KADRLAR - VİDEO

Daxili İşlər Nazirliyi Neftçala rayonunda vəhşi heyvana işgəncə verən şəxslər barədə açıqlama verib.

DİN-in Mətbuat Xidmətinin bölmə rəisi Zeyni Hüseynov Sonxeber.az-a bildirib ki, vəhşi heyvana qarşı qəddarlıq göstərərək nümayişkaranə surətdə sosial şəbəkədə görüntüləri yayan şəxslərin tapılması məqsədilə polis əməkdaşları tərəfindən dərhal araşdırmalara başlanılıb:

"Görülmüş tədbirlərlə bu əməli törədənlərin Sabirabad rayon sakini 20 yaşlı Cəsarət Bayramov və Neftçala rayon sakini 18 yaşlı Kənan Dünyamalıyev olmaları müəyyən edilib və onlar saxlanılıblar. Onlar hadisəni etiraf edərək peşman olduqlarını və həmin çaqqalın qarpız sahələrinə ciddi ziyan vurduğunu bildiriblər.

Hər iki şəxs barəsində İnzibati Xətalar Məcəlləsinin 274-cü maddəsi ilə protokol tərtib olunub və onlara bir daha belə hərəkətlərə yol verməmələri üçün ciddi xəbərdarlıq edilib".

14.26

Neftçala rayonunda heyvana qarşı işgəncə faktı qeydə alınıb.
Sosial şəbəkədə həmin görüntülər böyük etirazlara səbəb olub.
Sonxeber.az məsələni araşdırmaq üçün Daxili İşlər Nazirli ilə əlaqə saxlayıb.
DİN-dən verilən məlumata əsasən, heyvana qarşı zorakılığı əks etdirən görüntülərlə bağlı araşdırma başlayıb.
"Fakt nəzarətə götürülüb. Araşdırmanının nəticəsindən asılı olaraq əmələ hüquqi qiymət veriləcəkdir".

AYSEL QULİYEVA

Telegramda izləyin