"Azərbaycanda sünni və şiə birlikdə namaz qılır" - Cavanşir Paşazadə

İstiqamət: Dini və milli tolerantlıq, millətlərarası münasibətlərin inkişaf etdirilməsi
Azərbaycanda dini və milli tolerantlıq, millətlərarası münasibətlərin inkişaf etdirilməsi üçün hansı tədbirlər görülür?
Bununla bağlı Sonxeber.az-a açıqlama verən Milli Məclisin deputatı Cavanşir Paşazadə bildirib ki, Azərbaycan sünni və şiələrin birlikdə namaz qılması, xristian kilsələrinin, yəhudi sinaqoqunun olması, hətta prezident İlham Əliyevin erməni kilsəsini təmir etdirməsi və istifadəyə verilməsi Azərbaycanda dini tolerantlığın hansı səviyyədə olmasına dair dünyaya sübutdur:

"Prezident İlham Əliyev 2014-cü ildə Multikulturalizm İnstitutu yaratdı. Dünyada çevrilişlərin getdiyi dönəmdə Azərbaycanda Multikulturalizm İnstitutunun yaradılması özü-özlüyündə Azərbaycanda dini tolerantlığın və dini sahədə heç bir problemin olmamasının göstəricisidir. Bizim tələbələrimiz Türkiyə və digər ölkələrdə oxuyur. Həmin tələbələr Azərbaycana təhsil tədric edirlər.
Bəzi qonşu ölkələrin dini və milli qruplaşmalar yaratmaq, Azərbaycanı zəiflətmək fikirləri var. Dövlət orqanlarımız buna qarşı tədbir görür və onlar əməllərini həyata keçirə bilmirlər. Dost ölkə Gürcüstan patriarxının şeyx həzrətlərinə verdiyi dostluq ordeni də tolerantlığın və siyasi iqtisadi münasibətlərin inkişaf etməsinə gətirib çıxaracaq.
Azərbaycan sünni və şiələrin birlikdə namaz qılması, xristian kilsələrinin, yəhudi sinaqoqunun olması, hətta prezident İlham Əliyevin erməni kilsəsini təmir etdirməsi və istifadəyə verilməsi Azərbaycanda dini tolerantlığın hansı səviyyədə olmasına dair dünyaya sübutdur".

Material Azərbaycan Respublikasının

dəstəyi ilə hazırlanmışdır.

Şəbnəm Lətifi

Telegramda izləyin