Kəlbəcərdə antiterror əməliyyatı başlaya bilər?-AÇIQLAMA

"Son vaxtlar Kəlbəcər istiqamətində ermənistan silahli qüvvələrinin tez-tez atəşkəsi pozmasının və təxribat törətməsinin şahidi oluruq. Bu isə təsadüfi deyil. Ermənistandakı revanşist qüvvələr bu prosesi çətinləşdirib, sülh prosesinə maneə olmaq istəyir. Digər tərəfdən isə "10 Noyabr Sülh Sazişi" ermənistanın kapitulasiya aktına qol çəkməsi məğlubiyyəti etiraf etməsi demək idi. Ermənistan imzaladıqları sazişin öhtəlikləri yaddan çıxartmamalıdır. Bu sazişdə Azərbaycan Respublikasının Prezdenti İlham Əliyev, ermənistan prezdenti Nikol Paşinyan və Rusiya Federasiyasının Prezidenti Vladimir Putinin imzası var."

Bunu Sonxeber.az saytina olan açıqlamasında deputat Aydın Hüseynov deyib.

O bildirib ki, ermənistan üzərinə götürdüyü öhtəliklərə əməl etməzsə, Azərbaycanın yeterincə gücü və qüvvəsi var.

"Azərbaycan hər zaman öz suverən hüquqlarını qoruyur. Azərbaycan sərhəddə ola biləcək təxribatların qarşısını almaq üçün öz suveren hüquqlarından istifadə edəcək. Digər tərəfdən isə beynəlxalq hüquqlu normativ aktlar və bundan irəli gələn prinsiplər var. Ermənistan təkcə Kəlbəcər istiqamətində deyil, Xankəndində də Rusiya sülhməramlılarının nəzarəti altında olan ərazilərdə də tez-tez təxribatlar törədir. Hansı ki ermənistan həmin ərazidən öz silahlı qüvvələrin çıxartmalı idi, buna da riayət etmir. Bütün bu faktorlar onu deməyə əsas verir ki, Azərbaycan antiterror əməliyyata başlamaq üçün tam əsasları var. Mən hesab edirəm ki, ermənistan öz üzərinə düşən prinsiplərə riayət eməsə, Azərbaycan istənilən hərbi əməliyyatı uğurla aparmağa qadirdir və ehtiyac olarsa, bunu da edəcək."
AYSEL QULİYEVA

Telegramda izləyin