Norveçin ədliyyə nazirinin bu şəkli ölkəni iki yerə böldü

Norveçin ədliyyə naziri Emili Enger Mehlin tətil şəkli gündəm olub. İtaliyada istirahətdə çəkilən foto və videoları İnstaqram sosial şəbəkəsində paylaşan Mehl ölkəni iki yerə bölüb.

Fotolardan birində Mehl Aralıq dənizində çimərlik geyimi ilə sörf taxtasında gəzərkən görünür. Lakin nazirin çox sayda bəyənmə toplayan fotosuna müxalifət sərt reaksiya verib. Müxalifət Mehlin sörf taxtasından xilasetmə jileti olmadan istifadə etdiyini əsas gətirərək bunun qanuna zidd olduğunu bildirib.
Sonxeber.az xəbər verir ki, nazir Norveç mediası Dagbladet-ə açıqlamasında heç bir qanunun pozulmadığını, fotonun İtaliyada çəkildiyini bildirib:
"Bu fotolar İtaliyada tətildə dostlarımla çimərkən və əylənərkən çəkilib. Mən həmişə yerli qaydalara və qadağalara əməl etmişəm. Hər kəsə xoş və təhlükəsiz yay arzulayıram".
Norveç kabinetinin üzvləri də Mehli dəstəkləyiblər.

Qeyd edək ki , Norveçdə qanuna əsasən, sahilə yaxın olan sörfinq istifadəçilərinin xilasedici jilet geyinməsi tələb olunmur. Norveç səlahiyyətliləri təhlükəsizlik baxımından xilasedici jilet taxmağı tövsiyə edir.

Şəbnəm Lətifi

Telegramda izləyin