Britaniyada ailələr çətinliklə dolandığı halda milyonlarla ton keyfiyyətli qida məhsulu zay olur

"Finlandiyada iki milyon ton çiyələyi yığan yoxdur..."

"İşçi qüvvəsi çatışmır, anomal istilər vəziyyəti daha da pisləşdirir..."

Böyük Britaniyada dəyəri on milyonlarla funt olan təzə meyvə və tərəvəz çürüməkdə davam edir, fermerlər məhsulu toplamağa macal tapmır.

Moderator.az xəbər verir ki, bu barədə ölkə fermerlərinin Milli İttifaqının (NFU) sorğusuna istinadən Bloomberg nəşri yazıb. Məlumatı "Qazeta.Ru" yayıb.

Təşkilat müəyyən edib ki, cari ilin birinci yarısında dəyəri 60 milyon funt (72, 6 milyon dollar) olan meyvə və tərəvəz çürüyüb.

İttifaqın vitse-prezidenti Tom Bredşou yaranmış vəziyyəti anlaşılmaz adlandırıb- keyfiyyətli qida məhsulları atılır, eyni zamanda "bütün ölkə boyu ailələr həyatın kəskin şəkildə bahalaşması ucbatından çətinliklə dolanır".

Kənd təsərrüfatı sahələrinin bir çox sahibləri işçi qüvvə çatışmazlığından məhsul itirib.

Buna o cümlədən Böyük Britaniyanın Avropa İttifaqından çıxması, nəticədə Avropadan işçilər cəlb etməyin çətinləşməsi səbəb olub.

Anomal istilər vəziyyətə güclü təsir göstərib.

Oxşar vəziyyət Finlandiyada da müşahidə edilir. Orada iki milyon ton çiyələk yığılmamış qalıb.

Paymioda ferma sahibkarları məhsul yığımı üçün işçi qüvvəsi axtarır, lakin hələlik bu cəhdlərin uğursuz olduğundan şikayətlənir.

Alternativ olaraq Tailanddan miqrantların cəlb edilməsi nəzərdən keçirilir, lakin hazırda giləmeyvəni xilas etməyin mümkün olması bəlli deyil.

Telegramda izləyin