Qəbələdə qadının amansızlıqla qətlinə görə tutulan rəfiqələrin məhkəməsi başlayır
Qəbələdə 23 yaşlı Aytac Əliyevanın qətli ilə bağlı ittiham olunan Kemale Maksumbekova və rəfiqəsi Rüfanə Nəbiyevanın cinayət işi üzrə ibtidai istintaq başa çatıb.
APA xəbər verir ki, iş üzrə beş ay davam edən istintaq dövründə toplanmış dəlil və sübutlar baxılması üçün məhkəməyə göndərilib.
İş Şəki Ağır Cinayətlər Məhkəməsində hakim Bilal Məmmədovun sədrliyi ilə araşdırılacaq.
Xatırladaq ki, hadisə bu ilin mart ayında qeydə alınıb.
Rayon Prokurorluğu tərəfindən yayılan məlumatlara görə, Qəbələ rayonu ərazisində Kemale Maksumbekovanın 2008-ci il təvəllüdlü oğlu ilə birlikdə şəxsi münasibətlər zəminində 1999-cu il təvəllüdlü Aytac Əliyevanın baş nahiyəsinə daşla xəsarət yetirdikdən sonra yapışqanla baş və boyun nahiyəsini bağlaması nəticəsində sonuncunun boğularaq ölməsinə əsaslı şübhələr müəyyən edilib.
Kemale Maksumbekova şübhəli şəxs qismində tutularaq istintaqa cəlb edilib.
Davam edən araşdırmalarla Kemale Maksumbekovanın qətl törədərkən rəfiqəsi ilə əlbir olması müəyyən olunub.
İstintaqla 1993-cü il təvəllüdlü Rüfanə Nəbiyevanın Aytac Əliyevanın əri ilə altı ilə yaxın münasibətdə olduğu müəyyən edilib. Onun boşanaraq Rüfanə Nəbiyeva ilə ailə quracağına söz verməsinə baxmayaraq, sözünə əməl etməməsinə görə R.Nəbiyeva Aytac Əliyevanın ərinə guya xəyanət etmək məqsədilə evi tərk etməsi görüntüsü yaratmaq üçün rəfiqəsi Kemale Maksumbekova və onun azyaşlı oğlu ilə cinayət əlaqəsinə girib. Onlar Aytacı oğurlayıb Şəkidə yaşadıqları evə aparmaq razılığına gəlməklə Aytac Əliyevanın həyatı və sağlamlığı üçün təhlükəli olan zor tətbiq ediblər.
Daha sonra isə Kemale Maksumbekovanın ümumi razılaşdırılmış niyyətdən kənara çıxaraq Aytac Əliyevanı qəsdən öldürməsinə əsaslı şübhələr müəyyən edilib. Rüfanə Nəbiyeva şübhəli şəxs qismində tutularaq istintaqa cəlb edilib.
Məhkəmənin qərarı ilə Kemale Maksumbekova Cinayət Məcəlləsinin 120.1 (qəsdən adam öldürmə), 29, 144.2.4 (adam oğurluğuna cəhd - zərərçəkmiş şəxsin həyatı və ya sağlamlığı üçün təhlükəli olan zor tətbiq etməklə törədildikdə) və 170.3 (yetkinlik yaşına çatmayanı cinayətkar fəaliyyətə cəlb etmə - zor tətbiq etməklə və ya zor tətbiq etmək hədəsi ilə törədildikdə və ya yetkinlik yaşına çatmayanı cinayətkar qrupa və ya ağır, yaxud xüsusilə ağır cinayətin törədilməsinə cəlb etmə) Rüfanə Nəbiyeva isə Cinayət Məcəlləsinin 29, 144.2.3 (adam oğurluğuna cəhd - bir qrup şəxs, qabaqcadan əlbir olan bir qrup şəxs və ya mütəşəkkil dəstə və ya cinayətkar birlik (cinayətkar təşkilat) tərəfindən törədildikdə) 29, 144.2.4 (adam oğurluğuna cəhd - zərərçəkmiş şəxsin həyatı və ya sağlamlığı üçün təhlükəli olan zor tətbiq etməklə törədildikdə) maddələri ilə nəzərdə tutulan əməlləri törətməkdə şübhəli bilinərək barələrində həbs qətimkan tədbiri seçilib.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











"Abituriyentlərin təxminən 75-80 faizi qəbul prosesində DİM-in nəşr etdiyi vəsaitlərdən istifadə edir" - Kamran Əsədov
"Dolların bahalaşması gec-tez baş verəcək" - İQTİSADÇI NATİQ CƏFƏRLİ
Xına gecəsindən olan görüntülər müzakirə yaratdı: hər kəs yaş fərqindən danışır - VİDEO
Əhaliyə XƏBƏRDARLIQ - Bayram günlərində gözlənilir
Bakıda yağış və sulu qar yağacaq, güclü külək əsəcək
Yer kürəsində maqnit qasırğası başladı
Milyonlarla telefon 6 gün sonra işləməyəcək
"55 min manat xərcim çıxdı"
Aydan 1 ildən sonra işinə qayıtdı - Video
Oqtay Əsədovun qızının dəfn yeri - Məlum oldu
Müasir fizikada ciddi problem aşkarlandı: Kainat asimmetrik ola bilər
Millət vəkilinin geyindiyi 52 minlik ayaqqabı sosial mediada müzakirə mövzusuna çevrilib
"Başımı bağlamağımı istəsə, onu da edərəm"
Aylardır fasiləsiz öskürür, səbəbi tapılmır - VİDEO