Conson baş nazir postuna geri qayıda bilər

İstefa verən Böyük Britaniyanın baş naziri Boris Conson hakimiyyətə geri qayıtmağa cəhd edə bilər.

Bu barədə CNN yazıb.

Müəlliflərin fikrincə, Britaniya Nazirlər Kabinetinin rəhbərinin siyasi ambisiyaları göz qabağındadır.

Qeyd edildiyi kimi, Consonun dostları və həmkarları əmindirlər ki, o, Böyük Britaniya baş nazirinin rəsmi iqamətgahı olan "Downing Street, 10" ünvanına qayıtmaq şansını əldən verməyəcək. CNN mənbələri iddia edir ki, siyasətçi seçicilərin qərarı ilə deyil, medianın təzyiqi ilə hakimiyyətdən məhrum edilməsindən hiddətlənib və siyasətdən getməyə hazır deyil.

CNN yazır ki, yeni namizəd ciddi problemlərlə üzləşərsə, Consonun öz vəzifəsini bərpa etmək şansı var. Bundan əlavə, telekanalın analitikləri Consonun növbəti hökumətdə müəyyən vəzifə tuta biləcəyini və bununla da öz təsirini qismən saxlaya biləcəyini istisna etməyiblər./Publika

Telegramda izləyin