Sosial Xidmətlər Agentliyi Zaqatala rayonunda Vətəndaş Qəbulu keçirəcək

Sentyabrın 9-da Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin İdarə Heyətinin sədri Vüqar Behbudov Zaqatala rayonunda Vətəndaş Qəbulu keçirəcək.
Bu barədə Sonxeber.az-a Agentlikdən məlumat verilib.
Qəbulda Zaqatala ilə yanaşı, Qax və Balakəndən olan sakinlər də iştirak edə bilərlər.
Qəbul zamanı imtiyazlı şəxslərin mənzil (fərdi ev) təminatı, avtomobil təminatı, səyyar sosial xidmətin təşkili, sanatoriya-kurort yollayışları ilə təminat, şəhid ailə üzvünün vəsiqəsi ilə təmin edilmə və s. mövzularda müraciətlər cavablandırılacaq.
Müraciət etmək istəyən vətəndaşlar sentyabrın 7-dək (012) 525-41-30 (daxili 5614, 5043) telefon nömrəsinə zəng edərək, [email protected] elektron poçt ünvanına məktub göndərərək, yerli filiala yaxınlaşaraq, o cümlədən Agentliyin sosial şəbəkə hesabları vasitəsilə qəbula yazıla bilərlər. Vətəndaşlar qəbula yazılmış şəxslərin əvvəlcədən tərtib edilmiş siyahısı əsasında qəbul ediləcəklər.
AYSEL QULİYEVA

Telegramda izləyin