"Kız Kulesi" sökülür? - AÇIQLANDI

İstanbulun məşhur tarixi abidələrindən biri "Kız kulesi"nin sökülməsi barədə yayılan iddialar müzakirələrə səbəb olub.

Lent.az xəbər verir ki, bir vətəndaşın yenidənqurma işləri aparılan qalanı çəkib paylaşması insanlar arasında narahatlıq və təəccüb yaradıb. İddialara görə, qala sökülüb yerində iaşə obyekti tikiləcək.

Türkiyənin Mədəni Abidələr və Muzeylər Baş İdarəsinin bu barədə açıqlamasında deyilir ki, abidə bundan sonra muzey kimi istifadəyə veriləcək:
"1940-cı illərdə qalada baş verən yanğından sonra döşəmə, nərdivan və damına dəmir-beton əlavə edilib. Lakin ərazidə professorlar Zeynep Ahunbay, Feridun Çılı, Han Tümertekin ilə İstanbul Texniki Universiteti və Fatih Sultan Mehmet Vakıf Universiteti arasında restavrasiya ilə bağlı yeni layihə və sənədlər hazırlanır. Qalanın terras-konus hissəsi zəlzələyə qarşı ehtiyat tədbiri almaq üçün qaladan çıxarılacaq. 2023-cü ildə cümhuriyyətin 100 yaşının tamam olduğu vaxtda "Kız Kulesi" tarixi və mədəni dəyərinə uyğun şəkildə bir muzey olaraq insanlara xidmət edəcək".

Hətta abidənin yenidən qurulandan sonra necə görünəcəyi barədə foto da yayılıb.
Qeyd edək ki, iki min illik tarixi olan, tarixi sirrini qoruyan "Kız Kulesi" daha çox "Kurtlar Vadisi" serialından tanınır.

Telegramda izləyin