Uşaq dünyaya gətirən 13 yaşlı qızın anasını hansı cəza gözləyir? - Hüquqşünasdan AÇIQLAMA

Azərbaycan Uşaqlar Birliyinin sədri Kəmalə Ağazadənin verdiyi məlumata görə Bakıda 13 yaşlı qız ana olub. O, təcavüzə uğraması nəticəsində hamilə qalıb. Qızın anası nəvəsindən və öz qızından imtina edib.
Bununla bağlı Sonxeber.az-a açıqlama verən hüquqşünas Səadət Bənanyarlı bildirib ki, 13 yaşlı uşağa baxmaq valideynin mənəvi borcu olsa da, imtina etdiyi halda, bununla bağlı hər hansı cəza yoxdur:

"13 yaşlı uşağın əmək qabiliyyəti olmadığına görə onun uşaqdan imtina etməsi başa düşüləndir. Amma valideynin 13 yaşlı uşaqdan imtina etməsi doğru deyil. Valideyn xeyrində və şərində onun yanında olmalıdır. Amma valideyn uşaqdan imtina edibsə, buna görə bir cəza yoxdur. Bu, sadəcə mənəvi amildir. Hadisə valideynin nəzarətində baş veribsə, valideyn də məsuliyyət daşıyır. Dövlət uşağa sahib çıxacaq, amma uşağa baxmaq valideynin mənəvi borcudur. Valideyn uşağa fiziki şiddət göstərsə, cəza verilir. İmtina etdiyi halda dövlət uşağı nəzarətə götürür".

Şəbnəm Lətifi

Telegramda izləyin