İşğaldan azad olunan ərazilərdə hansi universitetlərin filialları yaradıla bilər?-AÇIQLAMA

"İşğaldan azad edilən ərazilərdə ali təhsil müəssələrinin müxtəlif filiallarının qurulması olduqca vacib məsələdir. Bununla əlaqədar ilk addım Qarabağ universitetinin açılmasıdır. Bu universitet müstəqil ali təhsil müəssəsi olacaq. Burda bir çox ixtisaslar, xüsüsi ilə pedaqoji, aqrar və mühəndisliklə əlaqədar ixtisaslar üstünlük təşkil edəcək".

Bu sözləri Sonxeber.az-a olan açıqlamasında təhsil eksperti Elçin Süleymanlı deyib.

O bildirib ki, ənənəvi olaraq Şuşa şəhərində tarixən pedaqoji kollec, mədəniyyətlə əlaqəli müxtəlif ixtisaslar fəaliyyət göstərib.

"Hazırda regional təhsil daha çox pedaqoji fəaliyyətlə əlaqəlidir. Azərbaycan Dövlət Pedaqoji Universitetinin Quba, Şəki və digər yerlərdə filialları var. Mütləq bu adla Şuşa və digər regionlarda da ADPU-nun filialları açılmalıdır. Bundan əlavə Aqrar Universitetinin,Bakı Dövlət Universiteti, Turizm Universitetinin, Mühəndislik universitetinin filialları açıla bilər.
Qeyd etdiyim kimi, müstəqil universitetin yaradılması və bu universitetinin beynəlxalq universitet Türkiyə və Azərbaycana dost olan ölkələrlə ikili dövlət proqramı şəklində qurulması faydalı ola bilər".
AYSEL QULİYEVA

Telegramda izləyin