"Ermənilər nəsə etmək istəyirlər, amma heç bir şey edə bilmirlər" - Elçin Quliyev

Azərbaycan Müdafiə Nazirliyinin verdiyi məlumata görə, Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədiblər.
Bununla bağlı Sonxeber.az-a açıqlama verən politoloq, keçmiş deputat Elçin Quliyev bildirib ki, erməni təxribatlarının arasının kəsiləcəyini düşünsək, yanılmış olarıq:
"44 günlük müharibənin yekununun Azərbaycanın qələbəsi ilə bitməsini bu gün ermənilər həzm edə bilmir. Qarabağ ərazisində qalan erməni silahlı qruplaşmaları nə qədər ki, ərazilərimizdən təmizlənməyib, belə təxribatlar olacaq. Təbii ki, Azərbaycan ordusu öz ayıq-sayıqlığı və peşəkarlığı ilə belə təxribatların qarşısını alır və buna qadirdir. 10 noyabr razılaşmasının bəzi bəndləri ermənilər tərəfindən icra olunmur. Bu belə davam etsə, Azərbaycan irimiqyaslı anti-terror əməliyyatları keçirməli və bu terror qruplaşmaları ərazidən təmizlənməlidir.
Ermənilər nəsə etmək istəyirlər, amma heç bir şey edə bilmirlər. Çünki bu gün Azərbaycan dövlətinin mdafiəsində təhlükəsizliyinin təmin edilməsində keşik çəkən güclü Azərbaycan ordusu var. Bu ordu gücünü 44 günlük müharibədə təkcə ermənilərə yox, bütün dünyaya göstərdi.Ancaq ermənilər təxribadan əl çəkmirlər. Hər dəfə təxribat etdikcə də cavablarını alıb geri çəkilirlər .
Ermənilərdən daha təhlükəlisi arxasında dayanan qüvvələrdir. Erməni bizim üçün çox xırda düşməndir. Onlardan daha təhlükəlisi pərdə arxasında dayanan məkrli, hiyləgər qüvvələrdir. Ona görə də biz daha ayıq-sayıq olmalıyıq. Tək ordumuz yox, hüquq mühafizə orqanlarımız da erməni təxribatlarına qarşı ayıq olmalıdır.
Bu, mülki əhalinin də borcudur. Çünki düşmən hiyləgərdir. Düşmənə fitva verənlər daha hiyləgərdir. Biz düşünsək ki, erməni təxribatlarının arası kəsiləcək, düşmənçilikdən əl çəkəcəklər, yanılmış olarıq. Ona görə biz öz işimizi bilməliyik".

Şəbnəm Lətifi

Telegramda izləyin