"Ermənistan bu təxribatları ilə bir daha sübuta yetirdi ki, terror dövlətidir" - Emil Əkbərov

"Ermənilər hələ də Vətən müharibəsindəki biabırçı məğlubiyyətləri ilə barışa bilmirlər".

Bu sözləri Sonxeber.az-a danışan "BİG Media" MMC-nin rəhbəri Emil Əkbərov deyib.

O vurğulayıb ki, Ermənistan son bir ay ərzində törətdiyi təxribatları ilə sülhə gedən bütün yolları bağlamış oldu:

"Azərbaycan hər zaman bütün beynəlxalq sazişlərə, müqavilələrə və razılaşmalara hörmətlə yanaşır. Amma bunu Ermənistana şamil etmək olmaz. Ona görə də Ermənistan silahı qüvvələrinin bölmələri sentyabrın 12-dən 13-nə keçən gecə Daşkəsən, Kəlbəcər və Laçın istiqamətlərində irimiqyaslı hərbi təxribata əl atması təsadüfi deyil. Ermənistan bu təxribatları ilə bir daha sübuta yetirdi ki, terror dövlətidir".

Emil Əkbərov qeyd edib ki, Ermənistan bu təxribatlarla sülh sazişinin imzalanmasını gecikdirməyə çalışır:

"Görünür, bu məsələdə Ermənistan öz havadarlarına güvənir. Lakin Ermənistan və havadarları unutmasınlar ki, "Dəmir yumruq" öz yerindədir və təxribatlarına davam edərlərsə, yenidən zərbələsini öz başlarında hiss edəcəklər. Görünən odur ki, Ermənistandan maşa kimi istifadə edən havadarları onun ölkə kimi yer üzündən silinməsinə çalışırlar.

Düşmənin istənilən təxribatına qarşı ordumuz tərəfindən qəti cavab verilir və veriləcək. Ali Baş Komandan İlham Əliyevin rəhbərliyi ilə Azərbaycan Ordusu 44 günlük Vətən müharibəsində qısa zaman ərzində ərazi bütövlüyümüzü təmin edərək, öz gücünü və qüdrətini nəinki Ermənistana, bütün dünyaya sübut etdi. Bundan sonra da Azərbaycan ordusu ərazi bütövlüyümüzü qoruyaraq, terrorçuları yerində otuzduracaq".

Aysel Yusifqızı

Telegramda izləyin