Bir gecədə 50 şəhid verən ölkədə konsert keçiriləcək? - ARAŞDIRMA- YENİLƏNİB

18 sentyabr Milli Musiqi Gününə həsr olunan bütün təntənəli tədbirlər Mədəniyyət Nazirliyi tərəfindən təxirə salınır. Festivalın proqramında olunan dəyişikliklərə əsasən yalnız elmi-nəzəri konfrans, usta dərsləri və akademik musiqi tədbirləri saxlanılır.

Həmçinin, teatr mövsümünün 150-ci yubiley mövsümünün açılışına həsr olunmuş təntənəli tədbirlər də təxirə salınır.

Allah şəhidlərimizə rəhmət eləsin!

13:30

Bildiyimiz kimi,Ermənistan silahlı qüvvələri atəşkəs barədə əldə olunmuş razılaşmanı yenə də pozaraq sentyabrın 13-dən 14-nə keçən gecə və bu gün səhər saatlarında Kəlbəcər və Laçın rayonları istiqamətlərində yerləşən bölmələrimizi müxtəlif çaplı minaatan və artilleriya qurğularından atəşə tutub.

Dünən 50 hərbi qulluqçumuzun şəhid olması xəbəri hər kəsin ürəyini dağladı. Ölkədə böyükdən kiçiyə hər kəs kədərlidir. 50 şəhid 10milyon yaralı ürək...

Bəs belə çətin günlərdə konsertlər, tədbirlər ləğv olunacaqmı?

Sabah ölkəmizdə Bilik Günüdür.

Elm və Təhsil Nazirliyi Azərbaycanda fəaliyyət göstərən məktəblərdə Bilik Gününün qeyd edilməyəcəyi barədə məlumatı təsdiq edib.

Bundan başqa yaxın günlərdə türkiyəli məşhurların ölkəmizdə konsertinin baş tutması ilə bağlı elanlar, xəbərlər var. Belə hüznlü gündə həmin konsertlərin keçirilməsi həqiqətən gözlənilir?
Keçirilsə belə kimlər orda iştirak edəcək axı bir halda ki hamımızın ürəyi cəbhədə döyünür.

Məsələ ilə bağlı Iticket-in mətbuat katibi ilə əlaqə saxladıq.

Konsertlərin təxirə salınması ilə bağlı sual ünvanladığımız zaman mətbuat katibinin cavabı bizi təəccübləndirdi.

"Ümumiyyətlə mənim nömrəmi sizə kim verib? Mənim ixtiyarım yoxdur sizə bu məlumatı verməyə.Lazım olarsa, məlumat saytda paylaşılacaq."

Daha sonra Mədəniyyət Nazirliyi ilə əlaqə saxladıq.

Nazirlikdən verilən məlumata əsasən, hələ ki rəsmi heç bir məlumat yoxdur.

"Məsələ ilə bağlı rəsmi qərar təqdim olunarsa, ictimaiyyətə əlavə məlumat veriləcək".

Telegramda izləyin