Fırıldaqçılıqla məşğul olduğu deyilən şirkət rəhbərindən AÇIQLAMA

Xəbər verdiyimiz kimi, Rəhimli Gülüzar Həsənağa qızı redaksiyamıza müraciət edərək özünü "Günəşli İnşaat" tikinti şirkətinin rəhbəri kimi qələmə verən Məmmədov Firutan Ələsgər oğlu tərəfindən aldadıldığını söyləyib. O, iddia edir ki, F. Məmmədov başqa torpağı göstərərək ona qamışlıq ərazisini satıb. Bundan əlavə, 6 ay öncə ondan aldığı ikinci torpağı həmin şəxs sənədləşdirməkdən imtina edir.

Məsələ ilə bağlı Firutan Məmmədovla əlaqə saxladıq.

O, açıqlamasında Gülüzar Rəhimlinin iddialarının yalan olduğunu söyləyib:

"Bu torpaq mənə aiddir. Cəfərova Zəhra Kazım qızı mənim torpağımı Gülüzar Rəhimliyə satıb. O torpaqda Gülüzar Rəhimli ikimərtəbəli ev tikdiriib. Əgər həqiqətən Gülüzar xanımın sənədi yoxdursa, mənim torpağımda necə rahat şəkildə o evi tikib? Onun əlində olan çıxarış başqa ərazinindir. İkinci torpağı isə (yəni İsrail bəyin adına olan torpağı) mən ona etibarnamə ilə satmışam. Gülüzar Rəhimli ilə aramızda rəsmi alqı-satqı olub. Bütün lazımi sənədləri ona vermişəm ki, aparıb Daşınmaz Əmlakın Dövlət Reyestr Xidmətinin Abşeron Ərazi İdarəsinə versin. Ondan sonra nə olubsa, mənim xəbərim yoxdur. Getsin, məhkəməyə müraciət etsin, torpağının və evinin sənədini alsın".

Aysel Yusifqızı

Telegramda izləyin