Bakıda polislə sürücü arasında dava- DYP-dən AÇIQLAMA (VİDEO)

Sosial şəbəkələrdə sürücü və yol polisi arasında mübahisə baş verdiyini göstərən görüntülər yayılıb.

Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli Sonxeber.az-a bildirib ki, hadisə Bakı şəhərində "Axundov bağı"nın yaxınlığında baş verib.

Onun sözlərinə görə, sürücü avtomobili , hərəkətin sıx olduğu bir yerdə baqajı açıq vəziyyətdə qanunsuz olaraq park edib.

"DYP əməkdaşları sürücüyə yaxınlaşaraq avtomobilin oradan götürülməsi üçün xəbərdarlıq ediblər. Sürücü DYP əməkdaşlarının qanuni tələbinə tabesizlik nümayiş etdirib və İnzibati Xətalar Məcəlləsinin müvafiq maddələri ilə barəsində tədbir görülüb. Əgər sıxlıqdan, tıxacdan narazılıq ediriksə, qaydalara əməl etməyənləri cəmiyyət olaraq ictimai qınaq obyektinə çevirməliyik. Hər hansı video çəkib, daha sonra özünə qaxmar çıxmaq istəyən, kütlə yaratmaq naminə ictimai fikirə təsir etmək və bu ucuz məqsədi güdərək qanun keşikçisinin işinə təsir etmək arzusunu yəqin ki, düşüncəsi olan hər bir adam düzgün qiymətləndirəcək", - deyə DYP rəsmisi qeyd edib.

AYSEL QULİYEVA

Telegramda izləyin