Qadın intim fotolarını yayan nişanlısını döyərək öldürüb

Hindistanda qadın çılpaq fotolarını internetdə yayımladığı üçün nişanlısını döyərək öldürüb.

BiG.AZ xəbər verir ki, bu barədə "Hindustan Times" məlumat yayıb.

Hadisə Banqalor şəhərində baş verib. Məlumata görə, iki il birlikdə olan cütlük toy planlaşdırıb. Lakin bir gün gəlin sosial şəbəkələrdə gənc oğlanın yerləşdirdiyi intim fotolarını tapıb. Qız onunla danışdıqdan sonra nişanlısının həmin görüntüləri dostlarına göndərdiyini öyrənib.

Bundan sonra qadın ondan qisas almaq qərarına gəlib. O, nişanlısını rəfiqəsinin evinə dəvət edib və burada onlardan əlavə daha iki kişi olub. Bir anda dördü də bəyə hücum edərək onu döyməyə başlayıblar.

Adam huşunu itirdikdən sonra qadın onu xəstəxanaya aparıb. Lakin həkimlər həyatını xilas edə bilməyiblər və 4 gün sonra zərərçəkən dünyasını dəyişib.

Dörd şübhəlidən üçü hazırda həbsdədir. Hüquq-mühafizə orqanları cinayətlə bağlı araşdırmaları davam etdirir.

Telegramda izləyin