"Ermənilərin xarabalığa döndərdikləri Vətən torpaqları addım-addım cənnətə çevrilir" - Deputat

"Bu gün Murov dağından buraya gələrkən, bu gözəl dağlara baxarkən bir daha görürəm ki, bizim Vətənimiz nə qədər gözəldir".

Bu sözləri Sonxeber.az-a danışan deputat Nəsib Məhəməliyev deyib.

Deputat qeyd edib ki, Murov dağından Laçın şəhərinə qədər 12 tunel tikilir:

"Mən hələ Füzuli-Şuşa istiqamətini, Horadiz-Ağbənd istiqamətini və digərlərini demirəm. Bu tunellərin ümumi uzunluğu 17,5 kilometrdir. Onların içində ən böyüyü olan Murovdağ tuneli 12 kilometr uzunluğundadır. Yəni mən indi bir neçə saat yol gəlmişəm. Amma gün gələcək (o gün uzaqda deyil, 2-2,5 ilə) çox rahatlıqla Göygöldən Murovdağın alt hissi ilə insanlar bura gəlib yaşayacaqlar.

Eyni zamanda, Qubadlı-Laçın avtomobil yolunun inşasına da göstəriş verilib. Biz Horadiz-Zəngilan-Qubadlı avtomobil yolunun inşası ilə məşğuluq. Qubadlı-Laçın avtomobil yolu da dördzolaqlı olacaq. Yəni bu yol əsasdır. Bu fikirləri Prezident İlham Əliyev Laçın şəhərində Azərbaycan bayrağını ucaltdıqdan sonra səsləndirib".

Deputat vurğulayıb ki, Ermənilərin xarabalığa döndərdikləri Vətən torpaqları addım-addım cənnətə çevrilir. İcra olunan hər bir layihə ən yüksək standartlara cavab verir və gələcəkdə orada məskunlaşacaq vətəndaşlarımızın, rahatlıqla, az vaxt sərf etməklə mənzil başına çatmalarını təmin edəcək:

"Bütün bunları dünya birliyi görür, etiraf etməsələr belə, kimin qurucu, kimin vəhşi olduğu tam açıqlığı ilə bəllidir. Cənab Prezident, 44 günlük müharibədə olduğu kimi, tikinti-quruculuq-bərpa işlərini də, qəlbində hədsiz Vətən sevgisi ilə həyata keçirir".

Aysel Yusifqızı

Telegramda izləyin