"Hər kənddə yerli əhalidən ibarət yanğınsöndürən qrup yaradılmalıdır" - Ekoloq

İstiqamət: Ekologiya və ətraf mühitin mühafizəsi

Bu yay Azərbaycanda meşə yanğınları çox müşahidə olundu. Meşə yanğınlarını yaradan səbəb nədir və əvvəlcədən bunun qarşısını necə almaq olar?

Bununda bağlı Sonxeber.az-a açıqlama verən ekoloq Fikrət Cəfərov bildirib ki, yanğından əvvəlcədən qorunmaq üçün hər kənddə yerli əhalidən 6-7 nəfərdən ibarət yanğınsöndürən qrup yaranmalıdır və FHN onlara təlim keçməli, xüsusi geyim verməlidir:

"Meşə yanğınlarından qorunmaq üçün insan faktorunu azaltmaq lazımdır. Azaltmaq üçün ictimaiyyətlə birlikdə plakatlar, postlar hazırlamaq lazımdır ki, tonqal yandıranda mütləq söndürmək və ya qadağan olunan yerdə kabab bişirmək olmaz. Lakin bu, o qədər də tez nəticə verən iş deyil. Bir təcrübə var ki, hər kənddə yerli əhalidən 6-7 nəfərdən ibarət yanğınsöndürən qrup yaradılmalıdır və FHN onlara təlim keçməli, xüsusi geyim verməlidir. Onlar yanğın çıxan kimi FHN-ə xəbər verməlidirlər. Birincisi, bu adamlar yanğını necə söndürməyi bilirlər. İkincisi, hadisə yerindədirlər. Yerli əhali şəhərdən gələn briqadadan daha çox məsuliyyət daşıyır. Belə briqada yaransa, onlar qadağa olan yerlərdə tonqal qalamağa icazə verməz və hadisə yerinə tez çatarlar. Aydındır ki, 1-2 sot və 1 hektar sahədə yanğın getməsi fərqlidir. 1 hektarlıq ərazidə yanğını söndürmək çox çətindir. 1 sotluq ərazidə yanğını söndürməyə 5-6 nəfər kifayətdir. Fikirləşirəm ki, bu istiqamətdə dövlət tədbirlər həyata keçirtməli və belə qruplar yaradılmalıdır".

Material Azərbaycan Respublikasının

dəstəyi ilə hazırlanmışdır.
Şəbnəm Lətifi

Telegramda izləyin