"Azərbaycan ordusu və xalqı cənab prezident ətrafında birləşərək qələbəsini təmin etdi" - Deputat

8 Noyabr 2020-ci il tarixində Azərbaycan ordusu Şuşanı işğaldan azad edərək Vətən müharibəsini yekunlaşdırdı.

Bununla bağlı Sonxeber.az-a danışan Milli Məclisin deputatı Ceyhun Məmmədov bildirib ki, biz çox ciddi şəkildə çalışıb cəhd göstərməliyik ki, öz qələbəmizi qoruyaq. Çünki bu gün proseslər göstərir ki, Ermənistan hələ də Azərbaycana qarşı təcavüz siyasətini həyata keçirmək istəyir. Amma bu heç zaman mümkün olmayacaq. Azərbaycan ordusu və xalqı ölkə rəhbəri ətrafında birləşib və öz qələbəsini daim qorumağa hazırdır:

"44 günlük müharibədə xalqımız öz qələbəsini təmin etdi. Xalqımız səbrsizliklə bu günü gözləyirdi. 30 ilə yaxın müddətdə Azərbaycan torpaqları işğal altında qalmış və erməni təcavüzünün acı nəticələrini yaşayırdı. 2 il bundan öncə Ermənistan növbəti dəfə Azərbaycana hücum etdi, yenidən torpaqlarımızı isğal etmək istədi və Azərbaycan ordusu bu təxribatların qarşısını qətiyyətlə aldı. Biz torpağımızı azad etdik. Azərbaycan ordusu və xalqı cənab prezident ətrafında birləşərək qələbəsini təmin etdi. Məğlub xalqdan qalib xalqa çevrildik. İllər keçdikcə bu qələbənin əhəmiyyəti daha dərindən dərk ediləcək. Bu gün bizim qarşımızda duran ən mühüm vəzifələrdən biri bu qələbənin qorunmasıdır. Qələbəni əldə etmək çətin idi, amma qələbənin qorunması da bir o qədər çətindi. Biz çox ciddi şəkildə çalışıb cəhd göstərməliyik ki, öz qələbəmizi qoruyaq. Çünki bu gün proseslər göstərir ki, Ermənistan hələ də Azərbaycana qarşı təcavüz siyasətini həyata keçirmək istəyir. Amma bu heç zaman mümkün olmayacaq. Azərbaycan ordusu və xalqı ölkə rəhbəri ətrafında birləşib və öz qələbəsini daim qorumağa hazırdır".

Şəbnəm Lətifi

Telegramda izləyin