Rus reper müharibəyə etiraz olaraq intihar etdi

Rusiyada 27 yaşlı reper İvan Petunin (Walkie ləqəbli) müharibəyə getməmək və ona etiraz olaraq intihar edib.
Sonxeber.az rus mediasına istinadən xəbər verir ki, onun meyidi Krasnodarda yüksək mərtəbəli binanın həyətindən tapılıb.
"Mən qətl günahını ruhuma götürə bilmirəm və istəmirəm. Mən heç bir ideal uğrunda öldürməyə hazır deyiləm.Mənə elə gəlir ki, yaxın bir neçə gün ərzində qismən səfərbərlik tam səfərbərliyə çevriləcək.
İki əlim, iki ayağım, pulemyotun tətiyini çəkmək üçün şəhadət barmağım var, ancaq mənim o tətiyi çəkməyə haqqım yoxdur. Silah alıb sevdiklərimi, insanları öldürməyə hazır deyiləm.Məni bağışlayın, amma bəzən prinsiplərimiz uğrunda ölməli oluruq və mən də bunu seçirəm. Mahnılarımı dinləyərkən mənim necə bir şəxs olduğumu anlayacaqsınız",- deyə İvan ölümündən əvvəl yayımladığı videoda deyib.

Şəbnəm Lətifi

Telegramda izləyin