Azərbaycanda tibbi maska tələbi yenidən gündəmə gələ bilər?

Bildiyimiz kim, payızda mövsümi xəstəliklərin sayı artır. Bununla yanaşı, qızdırma ilə müşahidə olunan, koronavirus əlamətlərini daşıyan qrip bu fəsildə daha geniş yayılır. Bəs ölkədə hazırda sanitar-epidemioloji və "COVID-19" infeksiyası ilə bağlı ümumi vəziyyət necədir? İctimai nəqliyyatda, metroda sərnişin sıxlığını nəzərə alsaq, tibbi maska tələbi, sosial məsafə kimi karantin qaydalarının tətbiqi yenidən mütləq ola bilərmi?

"Azərbaycan həkimləri" İctimai Birliyinin sədr müavini, həkim-radioloq Aydın Əliyev BiG.AZ-a açıqlamasında bildirib ki, pandemiya bitmiş sayılır və gündəlik yoluxmalar adi qrip halındadır:

"Artıq bir neçə aydır ki, ölkədə "COVID-19" pandemiyası bitmiş sayılır. Gündəlik yoluxma adi qrip kimi yoluxub sağalmadır. Heç bir ağırlaşma yoxdur. Koronavirusla bağlı göstərilən ölüm sayları panikaya səbəb olmamalıdır. Yəni göstərirlər ki, nəticələri pozitiv çıxan bu qədər insan dünyasını dəyişib. Bu o demık deyil ki, həmin şəxslər koronavirusdan ölüblər. Bəlkə də, onlar başqa xəstəlikdən dünyasını dəyişiblər. Ona görə artıq məcbiri peyvəndə də, tibbi maskaya da ehtiyac yoxdur. Yəni "COVID-19"la bağlı heç bir əlavə məhdudiyyətlər olmamalıdır".

Telegramda izləyin