Sinif yoldaşını döyən şagirdi hansı cəza gözləyir?

Sosial şəbəkələrdə Bakıda məktəblərdən birində şagirdin sinif otağında məktəbli yoldaşı tərəfindən döyülməsinin görüntüləri yayılıb.
Görüntülərdə bir məktəblinin digərinə qarşı fiziki təzyiq göstərdiyi, başqa birinin isə hadisəni videolentə aldığı məlum olur.
Hüquqşünas Səadət Bənanyarlı Sonxeber.az-a bildirib ki, uşağın valideynləri ölçü götürməlidirlər. Amma valideynlərə cəza verilməsi ən son hədd olar:

"Əgər uşaq mütəmadi olaraq qaydaları pozursa, təbii ki , valideynləri ölçü götürməlidirlər. Amma onlara cəza verilməsi ən son hədd olar. Hər həlda uşaqların özlərinə də bir şans verib başa salmaq lazımdır. Bu videonun yayılması normal hadisə deyil. Deməli məktəbdə, ailədə problemlər var, təlim-tərbiyə prosesi qaydasında deyil. Valideynlərin cinayət məsuliyyəti daşıması ilə bağlı qanunda hər hansı maddə yoxdu".

Şəbnəm Lətifi

Telegramda izləyin