Sinif yoldaşını döyən şagirdin valideynləri cərimə oluna bilər?

Sosial şəbəkələrdə Bakıda məktəblərdən birində şagirdin sinif otağında məktəbli yoldaşı tərəfindən döyülməsinin görüntüləri yayılıb.
Görüntülərdə bir məktəblinin digərinə qarşı fiziki təzyiq göstərdiyi, başqa birinin isə hadisəni videolentə aldığı məlum olur.
Vəkil Hüseyn İsmayılov Sonxeber.az-a bildirib ki, şagirdin yaşı 16-dırsa inzibati məsuliyyətə cəlb oluna bilər. Yetkinlik yaşına çatmayanların tərbiyə və təlimi vəzifələrinin valideynlər və ya onları əvəz edən şəxslər tərəfindən üzrlü səbəblər olmadan yerinə yetirilməməsinə və ya lazımınca yerinə yetirilməməsinə görə onlara xəbərdarlıq edilə və ya qırx manatdan altmış manatadək məbləğdə cərimə edilə bilərlər:

Videoya əsasən demək olar ki, şagirdin hərəkətləri İnzibati Xətalar Məcəlləsinin 157-ci maddəsi olan Döymə maddəsinin tərkib əlamətlərini daşıyır. Yəni döymə və sair zorakı hərəkətlərlə qəsdən fiziki ağrı yetirmə. Bu əmələ görə inzibati qaydada üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Eyni zamanda əgər bu maddədə nəzərdə tutulmuş əməl sağlamlığına ağır, az ağır və ya yüngül zərər vurmaqla törədildikdə Azərbaycan Respublikasının Cinayət Məcəlləsinin müvafiq maddələrinə əsasən cinayət məsuliyyətinə səbəb olur.
Lakin inzibati məsuliyyətə cəlb etmənin yaşı 16-dır. Uşaqların yaşı 16-dırsa, onlar inzibati məsuliyyətə cəlb oluna bilərlər.

Hadisə üzrə şəxslərin əməli Cinayət Məcəlləsi üzrə 14-yaşdan yuxarı şəxslərin cəlb edilməli olduğu cinayətlərin siyahısına əsasən sağlamlığa az ağır zərər vurma cinayətinin də tərkibi olmadığına görə cinayət məsuliyəti yaratmır.
Mövcud hadisə üzrə həmin məcəllənin 189.1-ci maddəsi ilə valideynlər məsuliyətə cəlb oluna bilərlər. Yetkinlik yaşına çatmayanların tərbiyə və təlimi vəzifələrinin valideynlər və ya onları əvəz edən şəxslər tərəfindən üzrlü səbəblər olmadan yerinə yetirilməməsinə və ya lazımınca yerinə yetirilməməsinə görə onlara xəbərdarlıq edilə və ya qırx manatdan altmış manatadək məbləğdə cərimə edilə bilərlər".

Şəbnəm Lətifi

Telegramda izləyin