"Əşi, uşaq dalaşar da..." – Deputatdan şagirdlərin davasına MARAQLI REAKSİYA

Paytaxtda yerləşən 112 saylı məktəbdə sinif yoldaşını döyən şagirdlə bağlı görüntülər ictimaiyyətdə müzakirə mövzusudur.

Sonxeber.az xəbər verir ki, məsələ ilə bağlı millət vəkili Aqil Abbas news24.az-a danışıb.

O, bildirib ki, hadisənin böyüdüləcək tərəfi yoxdur:

"Əşi, uşaq dalaşar da. Əsas günah onları kameraya çəkən və aralamayan digər şagirdlərdədir. Məktəb direktorunun və müəllimin o qədər də günahı yoxdur. Məktəbdəki bütün şagirdlərə nəzarət etmək mümkün deyil. Evində tərbiyə görməyən uşağa məktəbdə necə tərbiyə versinlər?! Bu məsələdə valideyn də günahkardır. Özü də döyülən uşaq digərindən daha "canlıdır". Çox güman ki, nədənsə qorxur. Ola bilsin ki, döyən uşaq imkanlı ailədəndir. Yoxsa onu özü döyə bilərdi. Gündəm dəyişmək üçün ortaya atılan hadisədir".

Telegramda izləyin