Praqa görüşünün nəticəsi yekun sülh olacaq? - RƏY

Çexiyanın paytaxtı Praqada Türkiyə Prezidenti Rəcəb Tayyib Ərdoğan, Azərbaycan Respublikasının Prezidenti İlham Əliyev və Ermənistanın Baş naziri Nikol Paşinyan arasında qeyri-rəsmi görüş olub.

Politoloq Elşən Məmmədli Sonxeber.az-a bildirib ki, Yelisey sarayının saytı Ermənistan və Azərbaycanın bir-birinin ərazi bütövlüyünü tanıması barədə məlumat versə də, buna etibar etmək olmaz. Çünki rəsmi Bakı və İrəvan bununla bağlı rəsmi açıqlama verməyib:

"Praqada Avropa İttifaqinin sədri Şarl Mişelin vasitəçiliyi ilə Azərbaycan prezidenti İlham Əliyev və Ermənistanin baş naziri Paşinyan arasında baş tutan görüşdən sonra Yelisey sarayına aid olan sayt Ermənistanın Azərbaycanın ərazi bütövlüyünü və suverenliyini taniması barədə məlumat yayımlanıb. Məlumatda baş tutmuş görüşdə Fransa prezidenti Makronun iştirak etməsi və əldə edilmiş razılıqlarda Fransanın da yer alması barədə mövqe açıqlanıb. Əlbəttə, belə bir xəbər illərdir münaqişə tərəfləri arasında münasibətlərdəki gərginliyin aradan qaldırılması və bununla da nəhayət ki, tərəflərin sülh müqaviləsinin imzalanması istiqamətində gedilən yolda razılığa gəlməsini böyük ümid və intizarla gözləyənləri sevindirməyə bilməz. Lakin görüşlə bağlı rəsmi Bakının və İrəvanın dövlətlər səviyyəsində hər hansı açıqlamalar vermədiyi bir şəraitdə Yelisey sarayının saytında verilmiş məlumata etibar etməmək üçün əsaslarımız var. Əvvəla, Şarl Mişelin göruşlə bağlı verdiyi bəyanatda Ermənistanın belə bir mövqe sərgiləməsi barədə hər hansı fikir yoxdur. Praqada tərəflər arasında görüşün baş tutması hər iki tərəfin Brüsselin vasitəçiliyi ilə gedən danışıqlara böyük önəm və əhəmiyyət verməsinin göstəricisi kimi diqqəti cəlb edir. Bu cür göruşlərdən sonra Ermənistanın hər zaman Brüssel və Moskva razılaşmalarının şərtlərini yerinə yetirməkdən boyun qaçırmaq üçün təxribatlar törətməsi məlumdur. Digər tərəfdən Praqadakı görüşdə Makronun deyil, Türkiyə prezidenti Ərdoğanın iştirak etməsi, moderator rolunda çıxış etməsi faktdır, cənab Makronun diplomatik etiket qaydaları gözlənilməklə görüşdən uzaqlaşdırılması hamının gözü qarşısında baş vermişdir. Buradan isə belə nəticəyə gəlmək olar ki, rəsmi Paris Cənubi Qafqazda Tükiyənin getdikcə artmaqda olan rolu və nüfuzuna qisqanclıqla yanaşır, tərəflər arasındakı danışıqlarda Türkiyə və Rusiyanin deyil, əksinə AB, xüsusilə Fransanın dominant rolda çıxış etməsi barədə gerçəkliklərdən uzaq mövqeni qabartmaq, perspektiv üçün danışıqlarda təşəbbüsü ələ almağa çalışır. Bu məsələnin mahiyyətinə varmaq üçün son vaxtlar Fransa, Türkiyə, AB Türkiyə arasında yaşananlara tarixi ekskursiya etmək, Rusiya ilə bağlı Qərbin mövqeyini dəstəkləmədiyinə görə Qərbdə bəlli dairələrin Ərdoğanin üstünə getmək üçün səylərinin gücləndirilməsi ilə bağlı proseslərə varmaq lazımdır. Azərbaycanda da Fransanın ermənipərəst mövqedən çıxış etdiyinə görə ona etibar edilməməsi ilə bağlı fikirləri əsaslandırmağa ehtiyac yoxdur. Bütün bunlarla bahəm Praqada tərəflər arasında keçirilmiş danışıqlarda Azərbaycan prezidentinin irəli sürdüyü 5 məlum şərt əsasında tərəflər arasında hətta şifahi şəkildə hər hansi razılığın istisna edilməsi ona görə mümkündür ki, Paşinyan son vaxtlar ABŞ-ın dəstəyi və sifarişi ilə ciddi revanaşlar edir, Rusiyanin iştirakı olmadan guya ki, problemin həllinin mümkün ola biləcəyi ilə bağlı AB nə mesajlar verməyə çalışır, ATƏT-in Minsk qrupunu ABŞ-ın sifarişi ilə danışıqlara qaytarmağa çalışır".

Şəbnəm Lətifi

Telegramda izləyin