II Elizabetin bu həvəsi kişiləri MAT QOYUR - FOTO-VİDEO

Böyük Britaniya kraliçası II Elizabet bir çoxları üçün ideal xanım olub. Onun adı heç vaxt qalmaqallarda hallanmayıb. Kraliça digər dövlət başçıları ilə dost münasibətlərini qoruyub saxlamağı bacarıb. Bütün xidmətçiləri onun heyvanlara, xüsusən də "korgi" cinsindən olan itlərə və atlara qarşı sevgisini xatırlayır.

BiG.AZ xarici mətbuata istinadən II Elizabetin çox az adamın bildiyi hobbisindən danışmaq istəyir.

Belə ki, Kraliça maşın sürməyi çox sevib. Hələ İkinci Dünya Müharibəsi dövründə o, ərazi müdafiəsində xidmət edib və burada yalnız sərnişin avtomobili üçün deyil, eləcə də yük maşını üçün sürücülük vəsiqəsi alıb.

1998-ci ildə Kraliça Səudiyyə Ərəbistanı şahzadəsi Abdullahıda öz bacarıqları ilə təəccübləndirə bilib.

Şotlandiyada keçirilən təntənəli tədbirdən sonra o, şeyxi özünün "Land Rover"ində gəzdirib.

II Elizabet yolsuzluq avtomobilini ustalıqla idarə edib.

Bu maşınla Şotlandiyadakı malikanənin ətrafında dolanarkən mat qalan şahzadə Kraliçadan yavaş sürməyi xahiş edib. Onun öz ölkəsində həmin dövrdə qadınların avtomobil sürməsi ümumiyyətlə qadağan olub.

Xatırladaq ki, Britaniya Kraliçasının ölümü barədə sentyabrın 8-də elan olunub. II Elizabet, Şotlandiyada yerləşən Balmoral qəsrində, 96 yaşında vəfat edib. Daha sonra onun nəşi Londona aparılıb və elə orada sentyabrın 19-da dəfn olunub. II Elizabet Britaniya tarixində ən çox hakimiyyətdə qalan hökmdar olub: 70 il, 7 ay.

Birləşmiş Krallığın yeni kralı Kraliçanın böyük oğlu, III Karl adını qəbu edən 73 yaşlı Çarlz olub.

Telegramda izləyin