Beş saatlıq yuxunun sağlamlıq üçün fəsadları açıqlandı

London Universitet kollecinin alimləri müəyyən ediblər ki, gecə beş saatdan az yatmaq bir çox xəstəliklərin, o cümlədən xroniki xəstəliklərin inkişaf riskini artırır.

Sonxeber.az xarici mətbuata istinadən xəbər verir ki, Alimlərin işi "PLOS: Medicine" adlı jurnalda dərc olunub.

Araşdırmada 50-70 yaş arası 8 min könüllü iştirak edib. İştirakçıların sağlamlığı və vərdişləri 25 il ərzində izlənilib.

Alimlər işin gedişində müəyyən ediblər ki, gündə 5 saatdan az yatan insanlarda gecə 7 saatdan çox yatanlarla müqayisədə ürək xəstəlikləri, xərçəng və şəkər xəstəliyinə tutulma ehtimalı 20% çoxdur. Yaşı 50-dən yuxarı olan könüllülərdə eyni anda iki və ya daha çox xroniki xəstəliyə tutulma riski 30-40%, xroniki xəstəliklərdən ölüm riski isə 25% artıb.

Alimlərin fikrincə, onların araşdırması insan sağlamlığı üçün adekvat yuxunun vacibliyini vurğulayır. Onlar həmçinin yaxşı yuxu şəraitinə diqqət yetirməyin önəml5 olduğunu bildirib. Yəni yatmazdan bir neçə saat əvvəl telefondan istifadə etməyin, axşam yeməyində ağır yemək yeməyin, həmçinin yatmaq üçün rahat yer hazırlayın.

Nuranə

Telegramda izləyin