"Şəhid olduğu yeri o zaman ziyarət edəcəyəm" - Mənsum İbrahimov

"Bəzən deyirlər, Şuşaya maşın gec çatdı. Onda cavab verirəm: Axı o yolları igidlərimiz addım-addım, vuruşa-vuruşa, saatlarla, günlərlə, yağışda, küləkdə yaralana-yaralana, şəhid ola-ola gediblər. O torpaqların hamısı müqəddəs ziyarətgahdır. Kimin övladı orada şəhid olubsa, istəyir getsin ziyarət etsin".

Axşam.az xəbər verir ki, bu sözləri Xalq artisti Mənsum İbrahimov "Söhbət musiqidən gedir" proqramında deyib. Xanəndə tək istəyinin qardaşı oğlu İsrafil İbrahimovun şəhid olduğu kəndi ziyarət etmək olduğunu söyləyib:

"Laçında Səfiyan kəndi var. Gözləyirəm ki, minalardan təmizlənsin mən də gedib onun şəhid olduğu yeri ziyarət edəcəyəm".

Qeyd edək ki, İsrafil İbrahimov Xüsusi Təyinatlı Qüvvələrdə xidmət edirdi. Laçın uğrunda gedən döyüşlərdə şəhid olub. O, Ağdamda dəfn edilib.

Telegramda izləyin