"Təxribatlar davam edərsə, Azərbaycan anti-terror əməliyyatına başlaya bilər" - Aydın Hüseynov

"Azərbaycan dövləti öz vətəndaşlarının təhlükəsizliyini təmin etmək üçün öz suveren hüquqlarından istifadə edərək onların qarşısını almağa qadirdir. Hesab edirəm ki, bu təxribatlar davam edərsə, Azərbaycan ordusu bunun qarşısını alacaq".

Bu sözləri Milli Məclisin deputatı Aydın Hüseynov Sonxeber.az-a Ermənistanın törətdiyi təxribatlar barədə danışarkən deyib.

O həmçinin qeyd edib ki, Azərbaycan anti-terror əməliyyatına başlaya bilər:

"Son dövrlər Ermənistan həm dövlət sərhədi istiqamətində, həm də rus sülhməramlılarının nəzarəti altında olan ərazilərimizdə təxribatlar törədib. Azərbaycan dövləti öz vətəndaşlarının təhlükəsizliyini təmin etmək üçün öz suveren hüquqlarından istifadə edərək onların qarşısını almağa qadirdir. Hesab edirəm ki, bu təxribatlar davam edərsə, Azərbaycan ordusu bunun qarşısını alacaq. Xüsusilə də rus sülhməramlılarının nəzarəti altında olan ərazilərdə də təxriubat törədilir. Bu Azərbaycanın sırf daxili işidir. Azərbaycan anti-terror əməliyyatına başlaya bilər. Mən hesab edirəm ki, Ermənistan bu kimi təxribatları davam etdirsə, labüd haldır ki, Azərbaycan ordusu orada öz sözünü desin. Birinci növbədə Azərbaycan vətəndaşlarının təhlükəsizliyi təmin olunmalı, sülh bərpa olunmalıdır. Ermənistan buna qarşı çıxırsa və təxribatlar törədirsə, əlbəttə ki, qarşısı alınmalıdır".

Şəbnəm Lətifi

Telegramda izləyin