Meymunlara açıq bufet ziyafəti verilib- FOTO

Taylandın Lopburi şəhərində ənənəvi olaraq keçirilən festivalda meymunlar üçün möhtəşəm süfrə açılıb. 2 ton meyvə və tərəvəzdən ibarət bufet ziyafətinə minlərlə meymun axın edib. Turistlərin də böyük marağına səbəb olan tədbirdə maraqlı anlar yaşanıb.

Sonxeber.az xəbər verir ki, Tailandlı iş adamının rəhbərliyi altında 2 ton meyvə-tərəvəzdən ibarət yemək turistlərin və yerli əhalinin köməyi ilə meymunlar üçün xüsusi olaraq hazırlanıb.

Yeməyə hücum edən meymunlar, hazırlanan 2 ton yeməyi saniyələr içində yeyib.

"Meymun Açıq Bufet Festivalı" adlanan tədbir turistlər arasında böyük marağa səbəb olub.

Tədbir 34 ildir ki, noyabrın son bazar günü Lopburi şəhərindəki qədim məbədin ətrafında keçirilir. İlk dəfə 1989-cu ildə keçirilən festivalda makaka meymunlarına yemək verilib.

Şəbnəm Lətifi

Telegramda izləyin