"İran hazırda Ermənistanın oyunlarına alət olub" - Deputat

"İran əzəldən ermənipərəst mövqeyi seçilən ölkələrdən olub".

Bunu Sonxeber.az-a danışan deputat Asim Mollazadə deyib.

Deputat qeyd edib ki, ermənipərəst ölkənin nümayəndəsindən bu cür sərsəm fikirlərin səsləndirilməsi normaldır:

"Hazırda İranda vəziyyət gərgindir. Bu insanlar çalışırlar ki, bu cür fikirlər səsləndirərək insanların fikirlərini yayındırsınlar. Ermənilərlə özünü qardaş elan edən bir ölkənin nümayəndələri yaxşı olardı ki, ilk olaraq öz dövlətinin nümayəndəsinə hörmət eləsin".

Deputat vurğulayıb ki, məscidləri dağıdıb, insanları vəhşicəsinə qətlə yetirən bir ölkə ilə özünü qardaş adlandırmaq absurddur: "Hazırda İranda xalq zülmə dözməyərək etiraz edir. Bu cür absurd fikirlər səsləndirən şəxslər yaxşı olardı ki, öz milləti barədə düşünüb, gələcəyi üçün çalışsın. İran hazırda Ermənistanın oyunlarına alət olub. Qonşu ölkənin torpaqlarını işğal edib, məscidləri dağıdan və uşaq, yaşlı demədən vəhşicəsinə insanları qətlə yetirən bir ölkə ilə dostluq edən bir dövlətin sonu xaosdur. Hazırda da İran o xaosun içindədir".

Aysel Yusifqızı

Telegramda izləyin