ŞOK: 15 yaşlı qızı zorladı, kəsdi, boğdu - 47 il sonra həbs olundu - FOTO

Böyük Britaniyada 1975-ci ildə 15 yaşlı Jaklin Montqomerini zorlayıbb vəhşicəsinə öldürən kişi məhkəmə qarşısına çıxarılıb.

BiG.AZ xəbər verir ki, bu barədə "Sky News" yazır.

Belə ki, 47 il öncə qızın meyitini onun atası Londondakı evlərində tapıb. Jaklin zorlandıqdan sonra bədəni bıçaqla kəsik-kəsik edilib, daha sonra isə cinayətkar onu boğaraq öldürüb. O zaman 28 yaşı olan Denis Makqrori əsas şübhəli şəxs olub. O, çox içən və davakar biri kimi tanınb. Jaklinin qaldığı evə isə kişi qızın daha öncə sevgili olduqları xalası Cozini gömək üçün gəlib. Görünür, Jaklin ona xalasının yerini demədiyi üçün qəzəbinə tuş gəlib.

Makqrori 47 il öncə də saxlanılıb, lakin onun təqsirli olduğunu sübüt edən açıq-aşkar dəlillərin olmadığı üçün cinayət işi bir il sonra bağlanıb.

Kişinin evində Jaklinin gündəliyindən cırılan vərəq tapılsa da, kişinin boynunda və əllərində çoxsaylı cızıq və göyərmələr olsa da, məhkəmə bunu yetərli bilməyib. Sonuncu məsələnin izahında Denis naməlum qrup insanlar tərəfindən döyüldüyünü iddia edib.

Lakin qızın üzərindən götürülən bioloji materiallar qaldığı üçün son 7 il ərzində yenidən istintaq aparılıb.

Nəhayət, DNT analizləri və bir sıra digər dəlillər qızın məhz Makqrori tərəfindən qətlə yetirildiyini sübut edib.

Cəmi 3 saat çəkən məhkəmədə hazırda 74 yaşı olan Denis cinayətdə təqsirli bilinib. Yekun hökm isə 2023-cü ilin yanvar ayında oxunacaq.

Telegramda izləyin