Ermənistan qadınlar üçün yeni könüllü xidmət variantını nəzərdən keçirir

"Qadınların atıcılıq təliminə göstərdikləri maraqdan sonra könüllülük əsasında hərbi xidmətə götürülməsi nəzərdə tutulur".

Sonxeber.az Armenpress-ə istinadən xəbər verir ki, bu sözləri Ermənistan müdafiə nazirinin müavini Arman Sarkisyan mətbuata açıqlamasında deyib.
"Hazırda qanun layihəsinin hazırlıq mərhələsindəyik. Mövzu ilə bağlı müzakirələr yekunlaşandan sonra qanun layihəsini təqdim edəcəyik. Bircə onu deyə bilərəm ki, qadınların hərbi xidməti könüllülük əsasında olacaq",- deyə Sarkiyan bildirib.

Sarkisyan silahlı qüvvələrin döyüşə hazırlıq səviyyəsinin artırılmasına töhfə vermək istəyən və imkanı olan qadınların potensialından istifadə etmək istədiklərini bəyan edib.

Qanuna əsasən Ermənistanda 18-27 yaş arası kişilər 24 ay müddətinə icbari hərbi xidmət edir. Səfərbərlik elan olunarsa, 27-50 yaş arası kişilər hərbi xidmətə çağırıla bilər.

Şəbnəm Lətifi

Telegramda izləyin