Yararsız öskürək siropu 300-dən çox uşağın ölümünə səbəb olub

Ümumdünya Səhiyyə Təşkilatının (ÜST) məlumatına görə, öskürək siropu üç ölkədə 300-dən çox insanın ölümünə səbəb olub. Ölənlərin əksəriyyəti beş yaşınadək uşaqlardır.

ÜST bildirib ki, yüksək səviyyədə dietilen qlikol və etilen qlikolun olduğu uşaq öskürək siropu oktyabr-yanvar aylarında yeddi ölkədə satılıb. Sənaye həllediciləri və antifriz kimi istifadə edilən bu maddələr kiçik dozalarda belə ölümcüldür və buna görə də onların dərman preparatlarında olması qadağandır.

Nəticədə üç ölkədə - Özbəkistan, Qambiya və İndoneziyada yüzlərlə azyaşlı uşaq həlak olub.

ÜST bütün 194 üzv ölkəyə xəbərdarlıq göndərərək təhlükəli dərmanların apteklərdən çıxarılmasını, həmçinin yeni faciələrin qarşısının alınması üçün digər tədbirlərin görülməsini tələb edib./Oxu.az

Telegramda izləyin

instagramda izləyin