İtaliyada psixiatrik xəstələrlə pis rəftara görə 15 nəfər həbs edilib

İtaliyada 15 tibb işçisi psixiatriya klinikasında xəstələrə qarşı zorakılıq etmək səbəbindən həbs edilib.

Sonxeber.az xəbər verir ki, İtaliyanın ANSA xəbər agentliyinin verdiyi xəbərə görə İtaliya polisi ölkənin şərqindəki Foggia şəhərində psixiatriya klinikasında əməliyyat keçirilib.

Keçən yay Foggia Prokurorluğunun başlatdığı istintaqda 40-60 yaş arası fiziki və əqli qüsurlu 25 xəstənin cinsi istismara, zorakılığa, həbsə və pis rəftara məruz qaldığı iddia edilmişdi.

Bəzi klinika əməkdaşlarının çarpayıya bağlanan xəstələrin üzlərinə yumruqla vurması, saçlarından dartması və cinsi təzyiq göstərməsi ilə bağlı iddialar mətbuatda yayılıb.

İstintaq çərçivəsində dindirilən 30 nəfərdən 7-i həbs edilib , 8-i ev dustaqlığına buraxılıb, digər 15 nəfərin isə klinikaya yaxınlaşmasına qadağa qoyulub. Bundan əlavə, həmin şəxslərin evlərində və səhiyyə müəssisəsinin kabinetlərində axtarışların aparıldığı bildirilib.

Şəbnəm Lətifi

Telegramda izləyin