"İran hər zaman Azərbaycana qarşı qərəzli münasibət bəsləyib" - DEPUTAT

"Azərbaycan qonşu ölkələrlə dostluq müansibətində olsa da hər zaman xəyanətlə üzləyişib"

Bunu Sonxeber.az-a danışan deputat Cəbi Quliyev deyib.

Deputat qeyd edib ki, İran daim Azərbaycana qarşı qərəzli münasibət bəsləyib:

"Hazırda İran Zəngəzur dəhlizinin açılmasına və sülh müqaviləsinin imzalanmasına mane olan dövlətlərdən biridir. Bu gün İran və Fransa Azərbaycana qarşı qərəzli mövqedədir. Çünki hər iki ölkə torpaqlarımız işğal altında olarkən faydalı qazıntılarımızdan faydalanaraq, büdcələrini doldurublar. Görünür, hər iki ölkə qısa müddət ərzində Azərbaycanın öz gücünə torpaqlarını işğaldan azad edəcəyinə inanmayıb. 44 günlük Vətən müharibəsi tək torpaqlarımızı işğaldan azad etmədi, həm də dost kimi görününən düşmənlərimizin əsil simasını və niyyətini ortaya çıxardı".

Deputat vurğulayıb ki, İran 30 il ərzində Ermənistanı dəstəkləyib:

"Sözdə İran bizim ərazi bütövlüyümüzü dəstəkləsə də, hər zaman erməni terrroçularını silahlandırıb. Səfirliyimizə edilən silahlı hücum isə səbrimizi daşıran son damla oldu. Bu gün İran açıq formada Azərbaycanla düşmənçilik edir. Çünki bir dövlətdə xarici ölkənin səfirliyinə hücum təşkil olunursa, ya orada qanunlar işləmir, ya da əvvəlcədən planlanmış qərəzli addımdır. Ümumiyyətlə fars-molla rejimi müstəqillik əldə etdikdən bu günə qədər hər zaman Azərbaycana qarşı qərəzli münasibət bəsləyib. Səfirliyimizə edilən xain hücumun arxasında da ölkəmizə qarşı düşmənçilik və qərəz dayanır. Bu gün İran hökümətindən tələbimiz səfirliyimizə qarşı törədilən terror aktını sifarişçiləri tez bir zamanda tapılıb, ən ağır şəkildə cəzalandırılmasıdır".

Aysel Yusifqızı

Telegramda izləyin