Türkiyədə zəlzələdə ölənlərin sayı 9057-yə çatıb, 52 979 nəfər yaralanıb

Türkiyədə güclü zəlzələ nəticəsində ölənlərin sayı 9 057 nəfərə çatıb.

Bunu Türkiyə Prezidenti Rəcəb Tayyib Ərdoğan açıqlayıb.

Onun sözlərinə görə, təbii fəlakət nəticəsində 52 979 nəfər yaralanıb.

15:02

Türkiyədə baş verən 7,7 və 7,6 bal gücündə zəlzələlərdə ölənlərin sayı 8 min 574 nəfərə çatıb.

Bunu Türkiyə Prezidenti Rəcəb Tayyip Ərdoğan bildirib.

O əlavə edib ki, yaralıların sayı 49 min 133 nəfərdir.

Qeyd edək ki, Türkiyədə şiddətli zəlzələlər zamanı 6444 bina dağılıb.

***12:39

Türkiyədə baş verən 7,7 və 7,6 bal gücündə zəlzələlərdə ölənlərin sayı 7 min 108-ə çatıb. 40 910 yaralı var.

***10.41

Türkiyədə baş verən 7,7 və 7,6 bal gücündə zəlzələlərdə ölənlərin sayı 6 234 nəfərə çatıb, 37 011 nəfər yaralanıb.

Bu barədə Türkiyənin Fövqəladə Halların İdarə Olunması Agentliyi (AFAD) məlumat yayıb.

O, əlavə edib ki, zəlzələ nəticəsində 5 775 bina dağılıb.

Dağıdıcı zəlzələ Türkiyənin 10 vilayətində 13,5 milyon insana təsir göstərib.

***08:00

Türkiyədə baş verən 7,7 və 7,6 bal gücündə zəlzələlərdə ölənlərin sayı 5 894 nəfərə çatıb, 34 810 nəfər yaralanıb.

Bunu Türkiyənin vitse-prezidenti Fuad Oktay açıqlayıb.

O, əlavə edib ki, zəlzələ nəticəsində 5 775 bina dağılıb.

Qeyd edək ki, bu dəqiqəyə kimi dağıntılar altından 8 mindən çox şəxs sağ çıxarılıb. Axtarış-xilasetmə fəaliyyətləri davam edir.

Fevralın 6-da baş vermiş dağıdıcı zəlzələ Türkiyənin 10 vilayətində 13,5 milyon insana təsir göstərib. Zəlzələ bölgəsinə 65 ölkədən yardımlar göndərilib. İlk kömək əlini uzadan Azərbaycan olub.

Telegramda izləyin