Bakıda oğul bayram günü atasını döyə-döyə öldürdü - TƏFƏRRÜAT + FOTO

Bakıda oğul bayram günü atasını döyə-döyə öldürdü - TƏFƏRRÜAT + FOTO2021-ci il martın 22-də Buzovna qəsəbəsi, Dəmir Yolu küçəsində 1954-cü il təvəllüdlü Ramiz Kərimov vəfat edir. Hadisə yerinə gələn təcili tibbi yardım əməkdaşları meyitin üzərindəki zorakılıq əlamətlərinin səbəbini soruşub. Mərhumun arvadı və oğlu onun yüksək təzyiqi olduğundan, həmçinin bayram günü spirtli içki qəbul etdiyindən həyətdə yıxılaraq xəsarət aldığını deyiblər.

Həkim şübhəli ölümlə bağlı Xəzər rayon Polis İdarəsinin 2-ci Polis Şöbəsinin növbətçi hissəsinə məlumat verib.

Həmin gün şübhəli şəxs qismində mərhumun oğlu, Bakı şəhər sakini 1983-cü il təvəllüdlü İlqar Kərimov saxlanılıb.

Faktla bağlı Xəzər rayon prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb.
Bakıda oğul bayram günü atasını döyə-döyə öldürdü - TƏFƏRRÜAT + FOTOHadisə üzrə cinayət işi

Lent.az qətl hadisəsinin istintaq materiallarını əldə edib.

İstintaqla müəyyən edilib ki, Ramiz Kərimov mütəmadi münaqişə yaradıb, ailə üzvlərinə qarşı nalayiq ifadələr işlədib. Martın 20-də axşam o, spirtli içki qəbul etdikdən sonra arvadı Tamilla Kərimovadan yenidən spirtli içki gətirməsini tələb edib. Arvadı imtina edəndə Ramiz Kərimov həyat yoldaşını döyüb. Oğlu İlqar Kərimov araya girib atasını sakitləşdirməyə çalışarkən, atasının onu söyməsindən hiddətlənib. Ramiz Kərimova yumruqla zərbələr vuraraq onu yerə yıxıb. Hadisədən sonra, anası ev şəraitində ağrıkəsici tibbi vasitələrdən istifadə edib. İlkin yardım göstərməsinə baxmayaraq, R.Kərimov martın 22-i səhər saat 06-da ölüb.

İş üzrə dindirilmiş İlqar Kərimov bildirib ki, bacısı 16 il əvvəl ailə həyatı qurub, həmin vaxtdan o, valideynləri ilə birlikdə qalıb. Atası son 12 ildə daim spirtli içki qəbul edib və ailədə söz-söhbət yaradıb:
Bakıda oğul bayram günü atasını döyə-döyə öldürdü - TƏFƏRRÜAT + FOTOİlqar Kərimov

"Ramiz Kərimovun hərəkətləri bizi hövsələdən çıxarsa da, bir dəfə də olsun ona heç kim əl qaldırmadı. Təzyiqi olduğundan ara-bir müvazinətini itirib, yıxılsa da, heç vaxt həkimə müraciət etməmişdi. Martın 20-də axşam bayram süfrəsinə əyləşdik. Spirtli içki qəbul edəndən sonra atam anama marketdən araq alıb gətirməsini dedi. Anam atama spirtli içkini az qəbul etməsini, bu qədər içməklə canına qəsd etdiyini və araq almayacağını bildirdi. Bundan əsəbiləşən Ramiz Kərimov anamı söyməyə başlayanda, onu sakitləşdirməyə çalışdım. Amma atam məni itələdi, masada olan boşqabı götürüb anamın başına çırpdı.

Anamın alnından qan axdığını görüb bir anlıq etdiyim hərəkəti fikirləşmədən, atamın sağ gözünə yumruqla zərbə vurdum. Zərbədən atam arxaya getdi və divanda oturdu. Həyətə çıxıb bir az özümə gələndən sonra yenidən evə keçdim və anama özümdən asılı olmayaraq atamı vurduğumu söylədim. Anam mənə darıxmamağımı və hər şeyin yaxşı olacağını dedi. Ayın 22-də səhər atam özünü narahat hiss etdi və qəflətən halı pisləşdi. Dərhal Təcili Tibbi Yardım stansiyasına zəng edib məlumat verdik. Həkimlər müayinə edib atamın öldüyünü bildirdilər. Mərhumun üzündə və bədənində xəsarǝtlər olduğu üçün həkimlər polisə məlumat verdilər. Atamın üzünə yumruqla zərbə vurduğumu polis əməkdaşlarına bildirmədim. Atamın meyiti patoloji anatomiya şöbəsində müayinə edildikdən sonra bizə təhvil verildi. Həmin gün şübhəli şəxs qismində saxlanıldım".
Bakıda oğul bayram günü atasını döyə-döyə öldürdü - TƏFƏRRÜAT + FOTORamiz Kərimovun meyiti

Zərərçəkmiş şəxsin hüquqi varisi Saidə Allahverdizadə ifadəsində göstərib ki, ailəvi olaraq nə qədər çalışsalar da, atasının spirtli içki qəbul etməsinə mane ola bilməyiblər:

"Dəfələrlə atamın hərəkətlərindən bezən anam və qardaşım İlqar küsüb bizim, həmçinin qohumların evinə gedirdilər. Qardaşım tərbiyəli, mehriban və öz hərəkətlərinin yerini bilən insandır. Martın 20-də oğlum Ramazan bayram axşamı nənəsigildə olub. Oğlumun sözlərinə görə, atam anamı təhqir edib və boşqabla vuraraq, başına xəsarət yetirib. Buna dözməyən İlqar yumruqla atamın üzünə zərbələr vurub.

Ayın 22-də anam ev telefonuma zəng vuraraq, atamın təzyiqdən vəfat etdiyini xəbər verdi. Atamgilə gedəndə, anam və qardaşım bildirdilər ki, atam ölməmişdən əvvəl gecə müvazinətini itirib yerə yıxılıb. Üzündəki xəsarətlərin bunun nəticəsində əmələ gəldiyini dedilər. Polis əməkdaşları atamın ölümündə qardaşımı təqsirkar hesab edib saxlayıblar".

Bakıda oğul bayram günü atasını döyə-döyə öldürdü - TƏFƏRRÜAT + FOTOİttiham aktı

Şahid qismində dindirilmiş Xəzər rayon Polis İdarəsinin 2-ci Polis Şöbəsinin təhqiqatçısı Fariz Məmmədov ifadəsində göstərib ki, martın 22-də Təcili Tibbi Yardım Stansiyasından daxil olan məlumat əsasında, əməliyyat qrupu ilə birlikdə Buzovna qəsəbəsinə yollanıb:

"Ramiz Kərimovun təzyiq xəstəliyi ilə bağlı martın 20-də yıxılaraq xəsarət alması və 2 gündən sonra ölməsi bildirilib. Mərhumun üzündəki xəsarətlərdən şübhələndim. Çünki onlar hündürlükdən yıxılma nəticəsində əmələ gələn xəsarətlərə oxşamırdı. Elə təəssürat yarandı ki, sanki sağlığında kənar şəxs onun üzünə zərbələr vurub. Ona görə də rayon prokurorluğuna zəng edib məlumat verdim. Prokurorluq əməkdaşları gələndən sonra meyit daxili müayinə edilməsi üçün patoloji anotomiya şöbəsinə göndərildi. Ramiz Kərimovun oğlu və arvadı şöbəyə dəvət olundular. Sorğu-sual olunan İlqar Kərimov etiraf etdi ki, ayın 20-də ailə münaqişəsi zamanı atasına yumruqla xəsarətlər yetirib".
Bakıda oğul bayram günü atasını döyə-döyə öldürdü - TƏFƏRRÜAT + FOTORamiz Kərimov

Məhkəmə Cinayət Məcəlləsinin 62-ci (cinayətə görə müəyyən edilmiş cəzadan daha yüngül cəza təyin edilməsi) maddəsi tətbiq olunmaqla təqsirləndirilən şəxsə ittiham olunduğu Cinayət Məcəlləsinin 126.3-cü (qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə həmin maddənin sanksiyasında müəyyən edilmiş aşağı həddən də az cəza təyin etməsini əsaslı və ədalətli hesab edib.

Bakı Ağır Cinayətlər Məhkəməsinin hökmü ilə İlqar Kərimov cəzasını ciddi rejimli cəzaçəkmə müəssisəsində çəkməklə 5 il müddətiə azadlıqdan məhrum olunub.


Sonxeber.az
Telegramda izləyin
Kriminal   Baxılıb: 3067   Tarix: 09 fevral 2023  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Şagirdinin valideynindən 65 min alıb qaytarmadı - Həbs edildi

Mingəçevir şəhərində tanışına qarşı dələduzluq etmiş 1980-ci il təvəllüdlü Sevinc Mahmudova həbs olunub. "Qafqazinfo"nun əldə etdiyi məlumata görə, Mingəçevirdəki Kəlbəcər məktəbinin fizika müəllimi olan qadın Cinayət Məcəlləsinin 178.3.2-ci (Külli miqdarda dələduzluq) maddəsi üzrə təqsirl

29 sentyabr
.

Qəzada ağır yaralanan sürücü xəstəxanada öldü

Paytaxtın Heydər Əliyev prospektində ölümlə nəticələnən yol qəzası baş verib. "Qafqazinfo" xəbər verir ki, oktyabrın 28-i saat 21 radələrində Nəcəfzadə Bahəddin Əfqan oğlunun idarə etdiyi "Lada Granta" markalı avtomobil prospektin "Koroğlu" metro stansiyası istiqamətind

30 oktyabr
.

Bakıda dayəyə verilən körpənin ölməsinin yeni təfərrüatı

Bakının Sabunçu rayonunda körpənin yıxılaraq ölməsi ilə bağlı yeni təfərrüat açıqlanıb. -a istinadən xəbər verir ki, azyaşlının əmisi Teymur Əliyev "Teleqraf"la əlaqə saxlayaraq bildirib ki, 2 yaşlı A.İsmayılovun anası və atası boşanıb, azyaşlı anası ilə yaşayırmış:. "9 yaşlı bacısı is

29 oktyabr
.

Mehriban Rəhimliyə hökm oxundu

ABŞ-nin "German Marşal Fondu"nun Azərbaycan üzrə məsləhətçisi Mehriban Rəhimlinin cinayət işi üzrə məhkəmə baxışı keçirilib. -ın məlumatına görə, Bakı Ağır Cinayətlər Məhkəməsində hakim Namiq Kərimovun sədrliyi ilə keçirilən iclasda məhkəmə istintaqının yekunlaşdığı elan edilib. Daha sonr

7 oktyabr
.

Ramiz Mehdiyevin məhkəməsində şahidlər dindiriləcək - Tarix açıqlandı

Prezident Administrasiyasının sabiq rəhbəri Ramiz Mehdiyev və onun keçmiş köməkçisi Eldar Əmirovun cinayət işi üzrə növbəti məhkəmə iclasının vaxtı məlum olub. -ya istinadən xəbər verir ki, cinayət işi üzrə növbəti məhkəmə prosesi 16 oktyabr 2026-cı il tarixində Bakı Ağır Cinayətlər Məhkəməsində keçiriləcək

15 oktyabr
.

Azərbaycanda icra başçısı cərimələndi

Səbail Rayon İcra Hakimiyyətinin başçısı Vüqar Zeynalovla bağlı inzibati protokol tərtib olunub. -a istinadən xəbər verir ki, icra başçısı ilə bağlı İnzibati Xətalar Məcəlləsinin 528.1-ci maddəsi ilə protokol tərtib olunaraq məhkəməyə göndərilib. İşə baxış zamanı müəyyən edilib ki, eyni vaxtda baş vermi

27 oktyabr
.

Generalın qızı məhkəməyə gətirildi - Halı pisləşdi

General-mayor Natiq Əliyevin qızı Türkər Əliyeva artıq Sumqayıt Şəhər Məhkəməsinə gətirilib. "Unikal"a istinadən xəbər verir ki, Türkər Əliyeva halı pisləşdiyindən təcili yardım çağırılıb. Yaxın dəqiqələrdə Türkər Əliyevanın hakim qarşısına çıxarılması gözlənilir. Ona qarşı Cinayət Məcəlləsini

12 noyabr
.

Lerikdə qanunsuz qızıl axtaranlara qarşı əməliyyat - Ölən var

Oktyabrın 20-si gecə saatlarında Lerik rayonunun dağlıq ərazisində qanunsuz qazıntı işləri apararaq qızıl axtaran 3 nəfər polis tərəfindən müəyyən olunub. -a istinadən xəbər verir ki, həmin şəxslər saxlanılarkən müqavimət göstərərək qaçmağa cəhd ediblər. Bu zaman qaçan şəxslərdən R.Səfərov qayalıqda

21 oktyabr
.

Meşədə yanmış meyiti tapılan şəxs məmur imiş - Foto

Üç gün öncə Oğuzda meşədə Aqil Rəsulov adlı şəxsin yanmış meyiti tapılıb. Ölkə.az-a istinadən xəbər verir ki, həmin şəxs Həbib Babayev adına 1 nömrəli tam orta məktəbin təsərrüfat işləri üzrə direktor müavini vəzifəsində çalışırmış. Hadisənin təfərrüatı hələlik məlum deyil. "Qafqazinfo"nu

3 noyabr