ABŞ Ukraynanın qələbəsinə əmin olduğunu bildirib

"ABŞ Ukraynanın Rusiya ilə münaqişədə uğur qazana biləcəyinə şübhə etmir".

Bunu şənbə günü Münhen Təhlükəsizlik Konfransında çıxış edən ABŞ dövlət katibi Entoni Blinken deyib.

Blinken ABŞ-ın lazım olduğu müddətdə Ukraynaya dəstəyini davam etdirməyə hazır olduğunu vurğulayıb: "Bizim Ukraynanın qələbəsinə və uğuruna heç bir şübhəmiz yoxdur", - deyə o, davam edib.

ABŞ dövlət katibi NATO-nun "30 ildir bənzəri görülməyən" birliyinə işarə edib: "Bütün ölkələrdən minlərlə şirkət Rusiyanı tərk edib, çünki reputasiya riskləri çox yüksəkdir", - deyə o əlavə edib. Amerika diplomatiyasının rəhbəri "Rusiyanın dünya ilə bütün əlaqələri bir-bir kəsilib" bəyanatını da səsləndirib.

Nəticədə, o qeyd edib ki, ümid etmək olar ki, Rusiya Federasiyasının rəhbərliyi bunun onun üçün strateji uğursuzluq olduğunu başa düşəcək.

2022-ci il fevralın 24-də Rusiya prezidenti Vladimir Putininqəbul etdiyi qərara əsasən rus qoşunları Ukrayna ərazisinə daxil olaraq işğal siyasətini gerçəkləşdiriblər. Putin vurğulayıb ki, Moskvanın planlarına Ukrayna ərazilərinin işğal etmək daxil deyil, məqsədlər isə ölkənin demilitarizasiyası və denazifikasiyasıdır. Lakin ərazilərin işğalı və yaşayış məntəqələrinin dağıdılması Avropa və ABŞ-ı hərəkətə keçməyə vadar etdi.

Qərb Rusiyanın bu qərarına cavab olaraq ona qarşı tədricən çoxsaylı və irimiqyaslı sanksiyalar tətbiq etməyə başladı. Bununla yanaşı, Qərb dövlətləri Kiyevə indiki mərhələdə milyardlarla dollar dəyərində silah və hərbi texnika tədarük etməyə başlayıblar.

Putinin martın 16-da deyib ki, Qərbin Moskvaya qarşı sanksiya siyasətində bütün təcavüz əlamətləri var. O qeyd edib ki, Rusiyanı cilovlamaq siyasəti Qərb üçün uzunmüddətli strategiyadır./Bizimyol

Telegramda izləyin