157 saylı məktəbdə Ana Dilimizə həsr olunan tədbir keçirilib - FOTOLAR

Bu gün bütün dünyada Beynəlxalq Ana Dili Günü kimi qeyd olunur. 1999-cu ilin noyabrında Banqladeş səfirinin təşəbbüsü ilə UNESCO tərəfindən fevralın 21-i Beynəlxalq Ana Dili Günü elan edilib. Ölkəmizdə də bu gün bir çox təhsil müəssisələrində qeyd olunur və Azərbaycan dilinin əhəmiyyəti vurğulanır.

Sonxeber.az xəbər verir ki, dilimizə həsr olunan tədbirlərdən biri də Binəqədi rayonu Famil İsgəndərov adına 157 saylı tam orta məktəbdə keçirilib.

Belə ki, "7b" sinif şagirdləri sinif rəhbəri Maya İsrafilovanın təşkilatçılığı ilə keçirilən tədbirdə Azərbaycan dili haqqında məlumatları səsləndirib, şeir deyib, mahnı oxuyub, səhnəcik qurublar.

Dövlət himni ilə başlanılan tədbirdə Vətən uğrunda şəhid olan igidlərimiz də bir dəqiqəlik sükutla yad edilib. Şagirdlər M. Müşfiq, B .Vahabzadə, H. Cavid kimi görkəmli şairlərimizin əsərlərindən oxuyublar.

Burada dilin hər bir millətin maddi və mənəvi irsinin qorunması və inkişafında, insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rolu vurğulanıb.

Sonda tədbirin təşkilində göstərdiyi dəstəyə görə məktəbin direktoru Fatma İbrahimovaya və gələn qonaqlara təşəkkür bildirilib.

Həmin tədbirdən fotoları təqdim edirik:

Natəvan Baxşiyeva

Telegramda izləyin