İordaniyada törədilən terror aktları ilə bağlı 3 nəfər edam cəzasına məhkum edilib

İordaniyada 5 il əvvəl təhlükəsizlik qüvvələrini hədəf alan terror aktları ilə bağlı məhkəmədə 3 nəfər edam cəzasına məhkum edilib.

Sonxeber.az xəbər verir ki, İordaniya ordusundan verilən yazılı açıqlamada Balka əyalətində baş verən terror hadisələri ilə bağlı Dövlət Təhlükəsizlik Məhkəməsinin 11 müttəhimin işi ilə bağlı qərar verdiyi bildirilib.

Açıqlamada terror təşkilatı DEAŞ-ın tərəfdarı olan 3 nəfərin edam cəzasına məhkum edildiyi bildirilib.

Təqsirləndirilən şəxslərdən ikisinin bəraət aldığı bildirilən açıqlamada digər təqsirləndirilən şəxslərin məcburi xidmətə məhkum edildiyi bildirilib.

Qeyd olunub ki, məhkəmənin qərarlarından apellyasiya şikayəti yolları açıqdır.

Hücumlarda 8 nəfər həlak olub.

10 avqust 2018-ci ildə Balka əyalətinin Fuheys şəhərində törədilən bombalı hücumda bir polis ölüb, 6 nəfər yaralanıb.

Ertəsi gün yenidən Balkada Salt şəhərində silahlı qrupla təhlükəsizlik qüvvələri arasında baş verən qarşıdurmada 4-ü təhlükəsizlik işçisi olmaqla 7 nəfər həyatını itirib, onlarla insan yaralanıb.

İordaniya rəsmiləri hadisədən sonra tutulan hücumçuların DAEŞ tərəfdarları olduğunu açıqlayıb.

Telegramda izləyin