Məşhur tiktokerin həbs səbəbi bilindi - YENİLƏNİB

Bakda daha bir "tiktoker" həbs edilib.

Sonxeber.az qafqazinfo-ya istinadən xəbər verir ki, Səbail Rayon Məhkəməsinin qərarı ilə "Ömər" adı ilə tanınan "tiktoker", 2000-ci il təvəllüdlü Rövşən Camirzəyevə 15 sutka inzibati həbs cəzası verilib. O, İnzibati Xətalar Məcəlləsinin 510-cu (Xırda xuliqanlıq) maddəsi ilə təqsirli bilinib.

"Tiktoker"in həbs səbəbinə gəlincə onun, paytaxtın mərkəzində, xüsusilə "Tarqovı"da elektrik skuterini insanların sıx olduğu yerlərdə onların üzərinə sürərək ictimai asayişi pozduğu və törətdiyi əməlləri videoya çəkərək paylaşdığı bildirilib.

Qeyd edək ki, R.Camirzəyev son günlərdə xuliqanlıq əməlinə görə həbs edilən 3-cü tanınmış tiktokerdir. Daha əvvəl "Daqqılı" ləqəbli Ziliş Cəfərov və Səbuhi Xanlarov da inzibati qaydada həbs edilib.

***17:04

Tanınmış tiktoker Ömər həbs edilib.

Sonxeber.az oxu.az-a istinadən xəbər verir ki, o, inzibati qaydada 15 sutkalıq həbs edilib.

Belə ki, məhkəmə onu İnzibati Xətalar məcəlləsinin 510-cu maddəsi ilə təqsirli bilib.

DİN-in mətbuat xidmətinin əməkdaşı Nurlan Əliyev məlumatı təsdiq edib.

Telegramda izləyin