Yaz bitənədək bu reseptdən istifadə edin - VİDEO

Hazırda virusların aktivləşdiyi mövsümdür. Bəs immuniteti qaldırmaq üçün nə edə bilərik? Viruslarla mübarizə aparmaq üçün ilk növbədə yediklərimizə diqqət yetirməliyik, çünki məhz düzgün qida insanın immunitetini gücləndirir. Sağlam həyat tərzi və psixoloji vəziyyət də önəmlidir.

Bunları nəzərə alaraq, Sonxeber.az oxuculara həkim-fitoterapevt, apiterapevt, bitkilər üzrə elmi işçi Elnur Eldaroğlunun tövsiyə etdiyi zəngin tərkibli təbii dərmanın reseptini təqdim edir.

Onun sözlərinə görə, bu məcun sizi xəstələnməyə qoymayacaq.

Hazırlanması

100 qr üç günlük buğda cücərtisi, toz halına salınan 100 qr çörəkotu toxumu, 100 qr çiçək tozu, 20 qr ud hindi, 20 qr zəncəfil və 10 qr arı südü 700 qr biyan balı (və ya cökə balı) ilə qarışdırılır. "İmmunoset" adlı bu məcun payız başlayandan yaz bitənə qədər qida əlavəsi kimi yeyilməlidir.

Lakin qeyd edək ki, mədə qanaması və ya babasil qanamasından əziyyət çəkənlərə bu məcunun yan təsiri ola bilər və belə problemləri olanlar istifadə etməməlidirlər.

Natəvan Baxşiyeva

Telegramda izləyin