Röya daun sindromlu uşaqlarla görüşdü

Xalq artisti Röya Ayxan Daun Sindromlu Şəxslərin Reabilitasiya Mərkəzində olub.

OLAY yazır ki, bu barədə müğənninin mətbuat xidməti məlumat yayıb. Qeyd olunub ki, estrada ulduzu həyata keçirilən sosial layihə çərçivəsində uşaqlarla görüşüb:

"Elə anlar var ki, sözlə ifadə etmək olmur. Hər dəfə mənə əziz olan mərkəzə gələndə içimdə gözəl duyğular oyanır. Bu dəfə onlarla görüşümün başqa bir səbəbi var.

Martın 16-da Liv Bona Dea xəstəxanasında sosial layihə baş tutacaq. 100 daun sindromlu uşağa "çek ap" hədiyyə olunacaq. Çünki 21 mart Ümumdünya daun sindromlu insanlar günüdür. Sırf uşaqlara diqqət və qayğını cəmiyyətə təqdim etmək üçün belə bir addım atılıb.

Bunun üçün də fərqli tarixlərdə mədəniyyət üzvlərinin uşaqlarla görüşü oldu və hər biri ayrı ulduzla foto çəkdirdi ki, 16-ı baş tutan sərgidə həmin şəkillər də yer alsın. Gözəl işlərə görə əzizim Sevinc Abdullayevaya təşəkkür edirəm. Hər birinizi sevirəm".

Telegramda izləyin