Azərbaycanda taksi qiymətləri çox ucuzdur? - Ekspert RƏYİ

Azərbaycanda taksi qiymətləri çox ucuzdur? - Ekspert RƏYİHazırda bir çoxlarımız müxtəlif taksi xidmətlərindən istifadə edirik. Bizi ən çox maraqlandıran məqam isə qiymətdir. Ancaq diqqət yetirməli olduğumuz başqa nüanslar da var...

Son vaxtlar paytaxt sakinlərinin taksi xidmətləri ilə bağlı şikayətləri artıb. Xüsusilə sürücülərin sərnişinlərə davranışı, müəyyənləşdirilən qiymətdən artıq ödəniş tələb etməsi kimi məqamlar narahatlıq doğurur.

Mövcud mənzərəni şikayətlərdən də görmək mümkündür: "Hava limanından taksi sifariş etmişəm. Proqramda 8 manat məbləğ yazılsa da, taksi gəlməmişdən zəng vurub deyir "18 manat verəcəksinizsə, yaxınlaşım".

Başqa bir şikayətçinin üzləşdiyi problem də diqqəti cəlb edir: "Sürücü mənə zəng edib bildirdi ki, müəyyənləşdirilmiş qiymət az olduğu üçün gələ bilməyəcək".

Vəziyyəti bir az da qəlizləşdirən digər bir məqam son vaxtlarda taksi şirkətlərinin proqramlarında tətbiq olunan yenilikdir. Belə ki, sürücü nə qədər uzun müddət yolda qalsa, vətəndaş bir o qədər artıq məbləğ ödəməlidir.

Göründüyü kimi, bir tərəfdə hüquqları pozulan sərnişinlər, qiymətlərdən narazı qalan sürücülər, digər tərəfdə isə bu problemlərin yaşanmasına şərait yaradan taksi xidməti şirkətləri.

"Kaspi" qəzeti mövzu ilə bağlı məqalə dərc edib. Məqalədə deyilir:

Taksilərə vahid nəzarət mərkəzi yaradılsın

Nəqliyyat məsələləri üzrə ekspert Elməddin Muradlı təklif edir ki, ödənişlərlə bağlı taksometr sisteminə keçmək lazımdır: "Lakin bu sahədə hansısa yenilik yoxdur. Düzdür, qanunda var, olmalıdır. Amma bunu reallaşdırmaq çox uzun prosesdir". Ekspertin sözlərinə görə, taksi fəaliyyətindəki xaosun qarşısını almaq üçün təkmilləşdirmə işləri aparılmalıdır: "Taksi şirkətlərinə, taksilərə vahid bir mərkəzdən nəzarət olunmalıdır. Bəziləri bu məsələni səhv anlayır. Vahid mərkəzdən nəzarət tamam başqa anlayışdır. Bu sistem taksi şirkətlərinin ləğvi anlamına gəlmir".

E.Muradlının qabartdığı digər məqam sürücülərin sağlamlıq məsələsi ilə bağlıdır. Bildirir ki, işə götürülən zaman sürücülərin sağlamlığı ilə bağlı qaydalara ciddi nəzarət olunmalıdır. "Köhnə qaydalar bitməli, mütərəqqi bir sistem tətbiq olunmalı və buna uyğun da işlər qurulmalıdır", – ekspert deyir.

Ucuz qiymətlər problem yaradır

E.Muradlı bütün bu problemlərin kökündə taksi qiymətlərinin çox ucuz olmasının dayandığı qənaətindədir. "Qiymət məsələsinə də baxılmalıdır. Qiymətlərin bu qədər ucuz olması arzuolunan deyil. İnsanlar üçün əlçatan olsa da, sonradan taksinin vaxtında gəlməməsi, qiymətlə bağlı narazılıq, sürücünün müştəriyə qeyri-etik davranışları kimi hallar ortaya çıxır. Müştərilər belə hallarda məhkəməyə, həmçinin İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə müraciət edə, öz haqlarını tələb edə bilərlər".

E.Muradlının sözlərinə görə, taksi şirkətləri haqsız rəqabət aparırlar, yalnız özlərinə sərf edən qərarlar qəbul edirlər: "Qiymətləri hədsiz aşağı salıb, sürücüləri də kor-koranə şəkildə işə götürürlər. Beləliklə, bu cür hallar ortaya çıxır. Hansısa faktları sübut etmək, problemlərin operativ həllinə nail olmaq üçün bir sistem, mexanizm olmalıdır, o da hazırda yoxdur".

Taksi sürücülərinin məsuliyyəti

Hüquqşünas Ceyhun Cəfərli isə taksi sürücülərinin davranışları səbəbindən pozulan müştəri hüquqlarına diqqət çəkir. Bildirir ki, taksi sürücüləri davranışlarına görə məsuliyyət daşıyırlar: "Özəl taksi xidmətlərində qiymətlər tələb-təklif, bazar qaydaları əsasında müəyyənləşir. Taksi xidməti göstərən sürücülər ilk növbədə fərqlənmə nişanı, müvafiq lisenziya almalı, onun əsasında fəaliyyət göstərməlidir. Əgər sərnişinlərə keyfiyyətsiz, aşağı səviyyəli taksi xidməti göstərirlərsə, məsuliyyət daşıyırlar. Həmçinin təhlükəsizliyə riayət etmirlərsə də, məsuliyyətə cəlb olunurlar. Avtomobil standartlara cavab verməli, istismara yararlı olmalıdır. Bəzən etik davranış qaydaları da pozulur, buna görə də məsuliyyət yaranır".

Sürücü ilə taksi xidməti göstərən şirkət arasında olan məsələ

C.Cəfərlinin sözlərinə görə, gediş məsafəsinə görə müəyyənləşdirilən qiymət məsələsində müştərilərin heç bir günahı yoxdur: "Qiymət sürücü ilə taksi xidməti göstərən şirkət arasında olan bir məsələdir və onların arasında olan əməkdaşlıq müqaviləsi ilə tənzimlənir. Hansı qaydada razılaşırlarsa, ona əməl olunmalıdır. Sürücünün müəyyən olunmuş qiymətə etiraz etmək haqqı var. Həmin şirkətdə işləmək sürücünün öz seçimidir, heç kim onu məcbur etmir. Yaranan problemlərə görə müştəri narazı qalanda artıq həmin şirkətdən istifadə etməyəcək. Yəni bu hallar şirkətin nüfuzuna da təsir edir. Nəticədə müştərilərin sayı aşağı düşəcək, gəlirlərin səviyyəsi enəcək".

Taksi sürücüləri ilə müqavilə bağlanılmır?

Hüquqşünas qeyd edir ki, sürücü ilə şirkət arasında müqavilə olanda, məsuliyyət də yaranır: "Amma şirkətlərin sürücü ilə konkret müqavilə bağladığına inanmıram. Sadəcə, sürücünün adını sistemə salır, avtomobili, nömrəsini verir və şəxslər də işə başlayır. Müqavilə mütləq şəkildə olmalıdır. Aralarında müqavilə varsa, bu zaman mülki məsuliyyət mövcuddur. Müqavilə yoxdursa, çətin məsələdir".


Sonxeber.az
Telegramda izləyin
İqtisadiyyat   Baxılıb: 2706   Tarix: 11 mart 2023  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

2027-ci ildə pensiyalar 7,5 faiz artacaq: Pensiyaçılar nə qədər qazanacaq? - İQTİSADÇIDAN AÇIQLAMA

2027-ci ildə pensiyaların 7,5 faiz artırılması nəzərdə tutulur. Bu məqsədlə 575,5 milyon manat vəsait ayrılması proqnozlaşdırılır. Gələn il əmək pensiyalarının orta aylıq məbləğinin 639-640 manata çatacağı gözlənilir. Bununla belə, pensiyaların nominal artımı onların real alıcılıq qabiliyyətinin də eyn

11 noyabr
.

Azərbaycanda qızıl bahalaşdı, yoxsa ucuzlaşdı?

Azərbaycanda 2026-cı il 2 noyabr tarixinə olan qızılın qiyməti açıqlanıb. "Yeni Sabah" xəbər verir ki, 1 unsiya qızılın qiyməti 6 796.43 manat, 1 qram qızılın baza qiyməti isə 218.51 manat təşkil edib. Qiymətlər əyyar və mənşəyə görə dəyişir. Belə ki, 99 əyyar (Təmiz qızıl) - 218.51 manat

2 noyabr
.

Hesablama Palatasının xərclər smetası 25 %-ə yaxın artırılır

Hesablama Palatasının 2027-cı il üçün xərclər smetası 14 milyon 275 min 962 manat təşkil edəcək. "Report"un məlumatına görə, bu, 2026-cı illə müqayisədə 24,6 % çoxdur. Palata gələn il təkcə əməyin ödənişinə 12 milyon 889 min 193 manat yönəldəcək ki, bu da bu ilə nisbətən 30 % çoxdur. Hesablam

16 noyabr
.

Qızılın qiyməti son bir ilin minimumuna düşdü

Dünya bazarında qızılın qiyməti 2025-ci il oktyabrın 2-dən bəri ilk dəfə 3 850 dollar həddindən aşağı enib. bu barədə ticarət platformasının məlumatlarına istinadən məlumat verir. Bildirilib ki, "Comex" birjasında 2026-cı ilin dekabrında tədarük ediləcək qızıl fyuçerslərinin qiyməti 1,15 fai

16 noyabr
.

Azərbaycanda 576 ədəd pirotexniki vasitə qanunsuz dövriyyədən çıxarılıb

Dövlət Gömrük Komitəsinin Bakı Baş Gömrük İdarəsi Əməliyyat və Təhqiqat İdarəsinin əməkdaşları tərəfindən həyata keçirilmiş əməliyyat tədbirləri nəticəsində xeyli miqdarda pirotexniki vasitələr aşkar edilərək qanunsuz dövriyyədən çıxarılıb. xəbər verir ki, Bakı şəhəri, Qaradağ rayonu ərazisində həyat

17 noyabr
.

Brent markalı neftin qiyməti bir barel üçün 91,55 dollara düşdü

Neft qiymətləri əvvəlki gün yüksəlişdən sonra cümə axşamı səhəri düşür. xəbər verir ki, Londondakı ICE Futures birjasında yanvar ayı üçün Brent markalı neftin fyuçerslərinin qiyməti 1,21 dollar və ya 1,3 faiz azalaraq bir barel üçün 91,55 dollara düşüb. Çərşənbə günü Brent markalı neftin qiyməti 1,2

12 noyabr
.

Azərbaycanda pambıq istehsalının 4 illik proqnozu açıqlanıb

Gələn il Azərbaycanda pambıq istehsalının 351,9 minə tona çatacağı proqnozlaşdırılır. "Report" xəbər verir ki, bu, 2027-ci ilin dövlət büdcəsi zərfinin layihəsində öz əksini tapıb. Məlumata görə, bu, 2026-cı il proqnozuna nisbətən 11,1 % çoxdur. 2028-ci ildə pambıq istehsalının 373,8 min to

15 noyabr
.

Azərbaycanda yük daşımalarının avtomobil nəqliyyatından dəmir yoluna keçirilməsi planlaşdırılır

Azərbaycanın nəqliyyat sektorunda 2060-cı ilə qədər elektrik avtomobillərinin xüsusi çəkisi 100 % təşkil edəcək, eləcə də alternativ yanacaq növlərinə keçid ediləcək. xəbər verir ki, bu barədə Azərbaycanın Uzunmüddətli Aşağıkarbonlu İnkişaf Strategiyasında deyilir. Qeyd olunur ki, ölkənin ümumi istixan

10 noyabr
.

Azərbaycanda siqaret yenidən bahalaşacaq? - İqtisadçıdan AÇIQLAMA

Azərbaycanda siqaretin qiymətinin yenidən artması ehtimalı gündəmdədir. Belə ki, 13 noyabr 2026-cı il tarixli qərarla idxal olunan siqaret, siqar və siqarillalara tətbiq edilən gömrük rüsumunun 2030-cu ilin sonunadək 15 faiz, lakin hər 100 ədəd üçün 3 ABŞ dollarından az olmaması müəyyən edilib. Bunda

17 noyabr