Tanınmayan Dağlıq Qarabağ Azərbaycan mövqelərinə atəş açmasını təkzib edib

Tanınmayan Dağlıq Qarabağ Respublikası Azərbaycan tərəfinə atəş açmasını inkar edib.

Sonxeber.az Armenpress-ə istinadən xəbər verir ki, tanınmayan Dağlıq Qarabağ Respublikasınının Müdafiə Nazirliyi bəyanat yayıb.

Bəyanatda Dağlıq Qarabağ hərbçiləri atəş açdığını təkzib ediblər.

"Azərbaycan Müdafiə Nazirliyinin yaydığı martın 13-dən 14-nə keçən gecə Artsax Respublikasının Əsgəran rayonunun işğal olunmuş ərazilərində yerləşən Azərbaycan mövqelərini atəşə tutması ilə bağlı bəyanatı növbəti dezinformasiyadır" ,- bəyanatda bildirilib.

Qeyd edək ki, Azərbaycan Müdafiə Nazirliyi martın 13-ü axşam saatlarından martın 14-ü səhər saatlarınadək Azərbaycan ordusunun mövqelərinin 19 dəfə fasilələrlə atəşə tutulduğunu deyib.

Şəbnəm Lətifi

Telegramda izləyin

instagramda izləyin