Səudiyyənin hərəkəti Pakistanı şoka saldı: "Vaxt vardı, bir zənglə..."

Səudiyyə Ərəbistanının Pakistana əlavə maliyyə yardımı və ya faizsiz kredit ayırmamaq qərarı rəsmi İslamabadı məyus edib.

Rəsmi Ər-Riyadın bu qərarından sonra Pakistan xarici işlər naziri Bilaval Bhutto Zərdari hətta dost ölkələrin belə Pakistanı iqtisadi böhrandan xilas etmək istəməmələrindən şikayətlənib.

"Middle East Eye"nin məlumatına görə, Səudiyyə Pakistandan yeni faizli kreditlər və investisiyalar üçün sərt pul və maliyyə islahatları aparmasını, həmçinin cari hesab kəsirini böyük ölçüdə bağlamasını istəyib.

Mənbə bundan əvvəl Səudiyyə Ərəbistanı və digər Körfəz ölkələrinin Pakistana hətta bir telefon zəngi ilə belə iqtisadi yardım etdiklərini, indi isə İslamabada böyük çətinliklər yaratdıqlarını bildirib. Məlumatda qeyd olunur ki, heç Pakistanın hərbi yetkilisi Asim Münir də Ər-Riyada səfərində şahzadə Məhəmməd bin Salmanı təcili maliyyə vəsaiti ayırmağa razı sala bilməyib.

Təxminən 80 milyard dollarlıq beynəlxalq borcunu 3.5 il ərzində ödəməsə defolt təhlükəsi ilə üzləşə biləcək Pakistanın təcili olaraq milyardlarla dollara ehtiyacının olduğu bildirilir. İddia olunur ki, hazırda Pakistanın 3 milyard dollar valyuta ehtiyatı var./Teleqraf

Telegramda izləyin