Bred Pitt Los-Ancelesdəki nəhəng malikanəsini görün neçəyə satdı - FOTO

Məşhur Hollivud aktyoru, 59 yaşlı Bred Pitt nəhayət Los-Ancelesdəki nəhəng malikanəsini 39 milyon dollara satıb. Həmin evi o, 1994-cü ildə 1,7 milyon dollara almışdı.

BiG.AZ xəbər verir ki, bu barədə "Daily Mail" yazır.

Ev bir çox məşhurların yaşadığı mənzərəli Los-Felis bölgəsində yerləşir. Pitt özü heç vaxt bu evdə tək yaşamayıb. Burada o, keçmiş həyat yoldaşları Cennifer Eniston və Ancelina Coli ilə qalıb.

Məhz bu evdə Pitt və Coli 2005-ci ildə ilk Milad bayramlarını keçiriblər və 2016-cı ildə boşananadək 6 övladlarını böyüdüblər.

1915-ci ildə inşa edilən malikanənin təxminən 1000 kvadratmetr ərazisi var. Burada dörd yataq otağı, dörd hamam otağı, soba kamin, kitabxana, yemək otağı, mətbəx və qonaq otağı var. Ərazidə, həmçinin, kiçik qonaq evi, hovuz, tennis kortu və hətta rolik sürmək üçün meydança mövcuddur.

Evin landşaft dizaynı ilə Pitt şəxsən özü məşğul olub və bağını müxtəlif hərraclarda aldığı heykəllərlə bəzəyib. Əvvəl malikanənin ərazisi daha kiçik olub və 1990-cı illərdən bəri Pitt qonşu əraziləri alaraq buranı genişləndirib.

Şayiələrə görə, evin satışının səbəblərindən biri Bredin fransız model və dizayner İnes de Ramon ilə sevgi münasibətləridir. Aktyor Coli ilə uğursuz evliliyi barədə xatırlamadan, yeni həyata yeni məkada başlamaq istəyir.

Bundan başqa, Pittin keçmiş həyat yoldaşı da qonşuluqda yaşayır: boşandıqdan sonra Ancelina Los-Felisdə 25 milyon dollara ev alıb.

Telegramda izləyin